Franzesischa Revolutionskalenda

Aus Wikipedia
Wexln zua: Navigation, Suach
Republikanischa Kalenda vo 1794

Da Franzesische Revolutionskalenda (dt. Französische Revolutionskalender), aa republikanischa Kalenda (franzesisch calendrier révolutionnaire français bzw. calendrier républicain), is infoige vo da Franzesischn Revolution von 1789 gschoffn worn. Goitn hod a offiziej vom 22. Septemba 1792 bis zan 31. Dezemba 1805.

Hintagrund[VE | Weakln]

De Revolution hod in Frankreich de Trennung vo Stoot und Kira duachgsezt. Desweng soit da neiche Kalenda koan kristlichn Bezug mehr ham (z.B. Kristi Gebuat, kristliche Feiadog). Aussadem soit des Dezimaisystem ois Prinzip vo da Vanunft konsequent umgsezt wean.

Da neiche Kalenda hod a Woch mid zehn Dog ghobt. Deshoib hods aa nua olle 10 Dog an frein Dog gebn. De oidn Feadog san olle gstrichn worn. Es hod nua a boor Feiadog am Joaresend gebn. Aus dem Grund wor dea Kalenda ban Voik ned grod beliabt.

Struktua[VE | Weakln]

As Joar hod nochn Revolutionskalendar 12 Monad za 30 Dog mid jeweis 3 Dekadn (10 Dogn ghobt). Dazua san no 5 (in Schoitjoarn 6) Eagenzungsdog keman.

Da Joaresoofang wor af de Dog-und-Nochtgleichn im Hiachst festglegt.

Dog[VE | Weakln]

De zehn Dog vo da Dekadn san oafoch duachzehjt worn:

  1. Primidi
  2. Duodi
  3. Tridi
  4. Quartidi
  5. Quintidi
  6. Sextidi
  7. Septidi
  8. Octidi
  9. Nonidi
  10. Decadi

Monad[VE | Weakln]

De 12 Monad vom republikanischn Kalenda in via Gruppn vo Joareszeidn eiteit worn, oogfanga vom Joaresdog vo da Revolution, wo da easchde Dog im Joar gwen is:

Hiachstmonad (Endung -aire)
Vendémiaire lateinisch vindemia „Weinles“ 22. Septemba bis 21. Oktoba
Brumaire franzesisch brume „Nebe“ 22. Oktoba bis 20. Novemba
Frimaire franzesisch frimas „gfrearada Nebe“ 21. November bis 20. Dezember
Wintamonad (Endung -ôse)
Nivôse lateinisch nix, nivis „Schnee“ 21. Dezemba bis 19. Jenna
Pluviôse lateinisch pluvia „Regn“ 20. Januar bis 18. Februar
Ventôse lateinisch ventus beziehungsweise franzesisch vent „Wind“ 19. Feba bis 20. Meaz
Fruahjoarsmonad (Endung -al)
Germinal lateinisch germen, germinis „Soot; Spross“ 21. Meaz bis 19. Aprui
Floréal lateinisch flos, floris „Bleame“ 20. Aprui bis 19. Mai
Prairial franzesisch prairie „Wiesn“ 20. Mai bis 18. Juni
Summamonad (Endung -idor)
Messidor lateinisch messis „Eantn“ 19. Juni bis 18. Juli
Thermidor griachisch thermós „warm“ 19. Juli bis 17. August
Fructidor lateinisch fructus „(Fejd-)Frucht“ 18. August bis 16. Septemba

Iwagangsdog[VE | Weakln]

Am Joaresend hods 5 bzw. 6 Iwagangsdog gebn, de Sansculottiden. Des worn Feadog.

  • Jour de la Vertu, Dog vo da Tugend (17. Septemba, ab 1800 18. Septemba)
  • Jour du Génie, Dog vom Geist (18. Septemba, ab 1800 19. Septemba)
  • Jour du Travail, Dog vo da Orbad (19. Septemba, ab 1800 20. Septemba)
  • Jour de l'Opinion, Dog vo da Moanung (20. Septemba, ab 1800 21. Septemba)
  • Jour des Récompenses,Dog vo da Belohnung (21. Septemba, ab 1800 22. Septemba)
  • Jour de la Révolution, Dog vo da Revolution (nua in Schoitjoarn 22. Septemba 1795/99 und 23. Septemba 1803)

Dogeseihteilung[VE | Weakln]

„Revolutionsuhr“ (Ende 18. Jhd.). Innere Skala mit arabischen Ziffern: die neue „dezimale“ 10-Stunden-Einteilung, äußere Skala mit römischen Ziffern: die herkömmliche 24-Stunden-Einteilung.

Da Revolutionskalenda hod a neiche Stundneihteilung fian Dog ghobt. Da Dog hod etz 10 Stundn za je 100 Minutn à 100 Sekundn ghobt. De neiche Sekunden wor domid nua a bissl (−14 %) kiaza wia de oide. De Minutn wor länga (+44 %), de Revolutionsstund sogor ums 2,4-foche wia de oide Stund. De Umsetzung waa extrem teia worn, wei olle Uahn unbrauchbor worn waradn. Desweng hod da Konvent 1795 bschlossn des Gsetz bis auf weidas auszansezn. Es is nia in Kroft dredn. Es san oba Revolutionsuahn baut worn, de heit no af Auktiona vakafft wean.

Im Netz[VE | Weakln]