Friesenbach
| Friesenbach | ||
 Da Friesenbach in Kleinfriesen | ||
| Datn | ||
|---|---|---|
| Log | Saxn, Deitschland | |
| Flusssystem | Elbe | |
| Obfluss iwa | Weiße Elster → Saale → Elbe → Nordsee | |
| Quejgebiet | sidwestli vom Ort Theuma 50° 27′ 59″ N, 12° 12′ 36″ O | |
| Quäinhächn | ca. 450 m ü. NN | |
| Mindung | bei Chrieschwitz in de Weiße ElsterKoordinaten: 50° 30′ 51″ N, 12° 9′ 56″ O 50° 30′ 51″ N, 12° 9′ 56″ O | |
| Mindungshächn | 322 m ü. NN | |
| Hächnuntaschied | ca. 128 m | |
| Läng | 10 km | |
Da Friesenbach is a uma zehn Kilometa longa rechtsseitiga Nemfluss vo da Weißn Elster in da Häh vo Plauen.
Valauf
[Werkeln | Am Gwëntext werkeln]Da Friesenbach entspringt af offna Fejdflua sidwestli vom Ort Theuma af 450 m ü. NHN und werd unmiddlboa on da Quej zu oam kloana Teich afgstaut. Vo duat fliaßt'a begrodigt, owa mid Baamreih und Wiesn gsaimt, znext in westliche Richtung. Af 600 Meta Läng buidt da Boch dobei de Grenz zwischn Theuma und da zua Gmoa Tirpersdorf gheandn Ortschoft Schloditz. Kuaz draf passiat da Boch de Stodgrenz vo Plauen und valosst Plauen bis zu seina Mindung ned meah. Da Boch ko im Stodkroas iwawiengd in seim natialichn Bett fliaßn, mäandat frei iwa Wiesn und werd vo oanzlne Baam, monchmoi aa vo Woid und sejtn vo Haisa, flankiat.
On da Ferbigmui nimmt da Friesenbach den vo Sidn kemandn Ferbigbach af und fliaßt weita in Richtung Noadn. Parallej zum Ferbigbach is in de 1930a Joar, unta Ausnutzung vom duach'n Boch bedingtn gringan Gfäj, de Autoboh A 72 baut worn. Se begleit etzad aa af 2,5 Kilometa Läng an Friesenbach, bis se iahm in da Häh vom Plauena Ortstei Sorga mid da 200 Meta longa Friesenbachtoibruck iwaqueat. Zuvoa hod da Boch an vo de Ortstei Oberlosa und Stöckigt kemandn Stöckigtboch und an aus Richtung vom Ortstei Großfriesen kemandn Kaltenboch afgnuma. Da Friesenbach speist kuaz draf'n Gondelteich Kleinfriesen, den a owa ned direkt duachfliaßt. Weitahi in Kleinfriesen iwaqueat a no bstehnds Viadukt vo da demontiatn Eisnbohstrecke Plauen–Bergen–Falkenstein/Vogtl. des Toi. De donem bfindliche Rangmui woar no bis 1980 in Betrieb.
Mid da Untaquearung vom Autobohzuabringa B 173 tritt da Friesenbach in's Londschoftsschutzgebiet (LSG) Untas Friesenbachtoi eih, a londschoftli reizvois Eahojungsgebiet voa oim fia de Bewohna vo da nohn Plauena Plottnbausiedlung Chrieschwitza Hong. Mid Eihtritt in an Ortstei (Oid-)Chrieschwitz valosst da Friesenbach des LSG, duachfliaßt Chrieschwitz und mid ana Häh vo 322 m ü. NHN in de Weiße Elster. Im Mindungsbereich is da Friesenbach in's Houchwossaschutzsystem vo da Weißn Elster eihbundn und mid Dämm vaseng.
Im Netz
[Werkeln | Am Gwëntext werkeln]
Commons: Friesenbach – Sammlung vo Buidl, Videos und Audiodateien