GTEV Isarlust Irschenhausen
Da GTEV Isarlust Irschenhausen is a Gebiagsdrachtnerhoitungsvarein (GTEV) z Irschenhausen, an Ort wo zua Gmoa Icking ghead.
Da Varein is 1908 gründ woan und hod zua Zeit iwa 224 Mitglieda. Da GTEV Isarlust ghead zum Loisachgau (Haptsitz in Penzberg) und pflegt de Miaßbacher Dracht. Reglmäßi wean Voikstanz- und Schuahplattler-Probm duachgfiat. Da Varein hod a Jugendgruppm mit iwa 20 Mitglieda. Mit de Musigruppm aus da Umgebung wead intensiv zammagorbat.
Seit 2003 is da Varein a Eingetragener Verein und hoasst seitdem GTEV Isarlust Irschenhausen e.V.. Seit 1947 hoit da Varein a Sonnwendfeier ob, stejt olle 5 Joar an Maibaam af, beteiligt si an da Fronleichnamsprozessionen, besuacht regelmäßi as Gaufest und feiert, seit Einführung, sein Joaresdog. Dazua find jeds Joar a Weiherfest stott.
Im Joar 2008 is weng an 100 jährign Vareins-Jubiläum as 81. Loisachgaufest in Irschenhausen gfeiat woan. Do warn um de 3000 Drachtler do.