Giasinga Heiwog

Der Artikl is im Dialekt Obaboarisch gschriem worn.

De Giasinga Heiwog is a Bruggnwog im Mingara Stodtei Giasing (davor a eigane Ortschaft), de heint nur no a Sengaswiadigkeit is. Friaha ham Heiwogn a große Bedeitung ghobt, wei des de oanzige Meglichkeit wor, gressare Lastn in Ortschaftn z'wägn.

Bruggnwogn worn domois natirlich lang ned so genau wia moderne Wogn. Deswegn is des boid ois Begriff fia wos Ungnaus heagnomma worn. Des Giasinga Heiwog hod im Mingara Gebiet a große Bedeitung ghobt, deswegn is dea Spruch vo da Giasinga Heiwog enstanda. De Leid song zum Beispui: "Dei Uhr gehd ja nach da Giasinga Heiwog".