Glosmochapfeifn

Glosmochapfeifn

Glosmochapfeifn (dt.: Glasmacherpfeifen) san uma 1,2 bis 1,6 Meta longe Rohre, de on oam End mid am Mundstick vaseng san. Da Glosmocha nimmt mid'm ondan End vo da Pfeifn a kloane Menge gschmoizns Glos af und wäjzt's znächst hi und hea. Duach des sognennte Marbeln werd dem Produkt a grobe aißare Form gem. Gleichzeitig kuiht de Glosmasse ob. Oschliaßnd blost ea in de Pfeifn. Doduach eaweitat se dea Glosposten zu ana Blasn, aa Külbel gnennt. Duach wiederhoits Eahitzn om Ofn, Blosn und Marbeln wead's Produkt so long beoabat, bis's sei endguitige Foam hod. Heitz'dog wean aa mid Pressluft betriebne Pfeifn eihgsetzt. Diese Oat des Glos zu beoabatn nennt ma Hoihblosn.

Glosmochapfeifn in da Heraldik

De Glosmochapfeifn is in da Heraldik a Gemeine Figua und is nua in wenign Woppn oz'treffn. Se zäjt zu de typischn Glosmochasymbojn.

Doagstejt wead de natialiche Pfeifn mid leichta Stilisiarung, de owa ned heraldisch bsondas duachdrunga is. Oft san zwoa Pfeifn im Woppn, de ois Andreaskreiz glegt wean. De Tingiarung ko olle heraldische Foabn zoang, owa voarangig is Goid und Süwa. Gmoana mid groußa Glosbläsatradition hom se diese Woppnfigua gwäjt.

• 
  Liebenau
• 
  Neupetershain
• 
  Weißenkirchen im Attergau
• 
  Friedrichsthal (Saar)

Schau aa

• Gloshittn (Produktionsstätte)
• Glosmocha
• Glosbläsarei

Im Netz

•  Commons: Glasmacherpfeifen – Sammlung vo Buidl, Videos und Audiodateien
•  Commons: Glasmacherpfeife in der Heraldik – Sammlung vo Buidl, Videos und Audiodateien