Godsmack

Aus Wikipedia
Der Artikl is im Dialekt Soizkaumaguadlarisch gschriem worn.
Godsmack
Oigmoans
Richtung Hard Rock, Nu Metal, Post Grunge
Grindung 1995
Hoamseitn http://www.godsmack.com
Grindungsmitglieda
Gsaung
Sully Erna
Gitarr
Lee Richards
Bassgitarr
Robby Merrill
Schlogzeig
Tommy Stewart
Aktuelle Bsetzung
Gsaung
Sully Erna (seid 1995)
Gitarr
Tony Rombola (seid 1995)
Bass
Robby Merrill (seid 1995)
Schlogzeig
Shannon Larkin (seid 2002)
Ehemolige Mitglieda
Gitarr
Lee Richards (1995)
Schlogzeig
Tommy Stewart (1995, 1997-2002)
Schlogzeig
Joe Darko (1996-1997)

Godsmack is a Altanativ Metal Band aus Boston/Massachusetts. Eana Naum is vo an Liadl vo Alice in Chains isbiriad woan. Godsmack spün an Mix aus an hoatn Rock und an Heavy Metal mid hoate Riffs.

De Band hod alloa in de USA 12 Millionen Oibm vakauft, wödweid sans sogar 18 Millionen. Godsmack worn mid zwoa Numma-Oans Oibm in de Billboard 200 Charts vatretn (Faceless und IV). Se ham 17 Top Ten Mainstream Rock Singls ghobt und eana Debutoibum hod se üwa 5 Millionen moi seid da Eascheinung vakauft, aussadem sans a 4 moi fia d'Grammy Awards nominiad worn. Godsmack ghead heid zu de eiflussreichsdn und eafoigreichsdn Rockbands.

Gschicht[Werkeln | Am Gwëntext werkeln]

De Band is 1995 vom ehemolign „Strip Mind“- und „Meliah Rage“-Schlogzeiga Sully Erna (Gsaung), an Gitarristn Lee Richards an Robby Merrill (Bass) und an ehemoligen „Lillian Axe“-Schlogzeiga Tommy Stewart gründt woan.

Da Richards is kuaz drauf duachn Tony Rombola easetzt woan und da Stewart hod sei Position am Schlogzeig fiand Joe Darko rama miassn. S'Debüt-Album "All Wound Up" is a Joar späda ois Eignpressung aussakema. Da Erna hod de Drums fia des Album eigspüd. De Radiostation WAAF hod in Song "Keep Away" in d'Rotation aufgnumma und de Band hod draufhi 1000 Stück vom Oibum pro Wocha vakaufd. A aundara Song "Whatever" is a ind' Rotation vom Senda aufgnumma woan. Kuaz drauf hod da ehemolige Schlogzeiga vo Extreme de Band fia sei Managementfirma PGE unta Vatrog gnumma. Späda is da Tommy Stewart wieda ois Schlogzeiga zuda Band zruckkema. Godsmack ham an Plottnvatrog bei Plattenvertrag bei Republic Records untaschriem, de des söbsteigspüde Album neta nei obgmischd und untam Titl "Godsmack" neivaeffntlichd ham.

De Band hod an Plotz beim Ozzfest erreichd und is ois Support mid Black Sabbath auf Tour gaunga, des hod de Oibumvakäufe nu amoi ind'Hächn triem. Bis heid hod se des Album alloa in de USA 5 Millionen moi vakauft, des hoast 5x Platin. (Staund 2005).

Da Larkin Shannon

Im Juni 2000 is des zweite Oibum Awake easchienen, wos aufn fünftn Plotz vo de US Oibumcharts eigstiegn is. Godsmack san daun mid de Deftones auf Tournee gaunga und ham Konzerte mid Limp Bizkit gspüd. "Awake" hod se bis heid 2,5 Millionen moi vakauft. Im Somma 2002 hod da Tommy Stewart de Band eaneit valossn, dafia is owa da Shannon Larkin (ex-Amen, Ugly Kid Joe und Wrathchild America) kema.

Des dritte Oibum "Faceless" is 2003 kema und hod se oa Wocha nochn Eascheinungsdatum glei 270.000 moi vakauft, wos de easchte Numma oans fia Godsmack woa. Da Titl "I Stand Alone" is im Soundtrack vom Füm The Scorpion King und aufm Konsoinspü Prince of Persia: Warrior Within easchienen. Des Spü hod a nu de zweite Single "Straight Out Of Line" dabeighobt, de wos a zu an Soundtrack fia Extreme Rage woan is.

S'4te Voioibum midn Titl "IV" is in de USA Mitte Aprü 2006 vaeffndlicht worn, und is auf Plotz oans vo de Billboard 200 eigstiegn, in Deitschlaund is des Oibum am 19. Mai in de Lädn easchienen. De Godsmack Single "Bring It On" is im EA-Sports-Videospü "Madden NFL 2006" ois Soundtrack dabei. A aundara Soundtrack is "The Enemy" vom Wrestlingspü "Smackdown vs. RAW 2007". Aussadem hams Soundtracks zum Spü "Prince Of Persia: The Warrior Within" und zum Füm "The Scorpion King" beitrogn.

2003 hams des Liad "Sick of Life" vo a Band Trancecore Evil Activities covat. Des Liad is ois Trancecore Remix midn Naum "Sick of my Life" vaeffntlicht woan.

Diskografie[Werkeln | Am Gwëntext werkeln]

Studiooibm[Werkeln | Am Gwëntext werkeln]

  • 1995: The Scam (Demo)
  • 1997: All Wound Up (Eignpressung)
  • 1998: Godsmack (Neiauflog vo All Wound Up)
  • 2000: Awake
  • 2003: Faceless
  • 2004: The Other Side
  • 2006: IV
  • 2007: Good Times, Bad Times-Ten Year's (Compilation)

Singles & EPs[Werkeln | Am Gwëntext werkeln]

  • 1997: Whatever
  • 1998: Keep Away
  • 1999: Voodoo
  • 2000: Bad Religion
  • 2000: Awake
  • 2001: Greed
  • 2001: Bad Magick
  • 2002: I Stand Alone
  • 2003: Straight Out Of Line
  • 2003: Serenity
  • 2003: Re-Align
  • 2004: The Other Side (EP mit Akkustiksongs)
  • 2004: Touche
  • 2004: Running Blind
  • 2006: Bring It On
  • 2006: Speak
  • 2006: Shine Down
  • 2006: The Enemy
  • 2007: Good Times, Bad Times... Ten years of Godsmack

Videos & DVDs[Werkeln | Am Gwëntext werkeln]

  • 2002: Smack This (DVD)
  • 2003: Godsmack Live (DVD)
  • 2004: Changes (DVD)

Im Netz[Werkeln | Am Gwëntext werkeln]

 Commons: Godsmack – Sammlung vo Buidl, Videos und Audiodateien