Groußa Arbasää

Groußa Arbasää; Großer Arbersee
	Hint s Arbasäähaus
Geografische Log	Bayerischer Wald
Zuaflüss	Geigenbach
Åflüss	Seebach → Groußa Reng
Gressane Ortschaftn am Uafa	Arberseehaus (Gasthaus)
	Datn
Koordinaten	49° 5′ 55″ N, 13° 9′ 18″ OKoordinaten: 49° 5′ 55″ N, 13° 9′ 18″ O
	Groußa Arbasää (Bayern)
	Groußa Arbasää (Bayern)
Hechn üwan Meeresspiagü	935 m ü. NN
Flächn	7,7 ha
Seebreadn	260 m
Volumen	450.000 m³
gresste Diafn	16 m
durchschnittliche Diafn	5,8 m
pH-Wert	5,91
Eizugsgebiat	2,58 km²
Bsundaheitn	Schwingrasen,; moastbsuachda Sää im Bayer. Woid

Da Grouße Arbasää (amtli: Großer Arbersee) is oana vo drei Sään im Boarischn Woid. Ea kead zu da Gmoa Boarisch Eisnstoa und ea ligt an da Flankn voum Groußn Arba.

Da Grouße Arbasää is a Ibablaibsl vo da Eiszeid und vo an dichdn Uawoid und Houwoid umgehm. Ea ligt in an diafn Beagkessl, westle steigt de 400 meta houe Arbsääwend one.

Wega Fuizbuidung hod da Sää zwischa 1803 und 1897 umara 1,5 ha vo seina Flech voloan. 1899 hod ma an groußn Tei voum Schwingrasn, a iban Wossa schwimmande Bflanzndeck, ogschbrengt und ausse zong, wos de Sääflech wida eaheble vagräßad hod. Heid gibts no zwoa gräßane Flechan Schwingrasn, owa im Gengsatz za de schwimmandn Insln im Gloan Arbasää san de Schwingrasn im Groußn Arbasää midm Ufa vabundn, hom owa koa fesde Vabindung zan Säägrund.

Da Sää ligt glei an da Stroß, 500 000 Leid kumma jeds Joa dohea. Iba teis hejzane Steng ko ma uman Sää umme laffa, und se im Arbasäähaus a zinfdige Broudzeid und a Maß Bia kaffa.

Naduaschutzgebiad

Am 22. August 1939 is da Grouße Arbasää und Arbasääwend ois Naduaschutzgebiad ausgwiesn woan. Scho 1914 is a Bflanznschonbeziak gwen.157 ha is grouß und umfasst de Umgebung uman Sää und d Sääwend. 1972 hod ma an Teibereich vo za.130 ha zan Naduawoidresawa Geige und Seewand gnennt. Im gsamtn Schutzgebiad bstäd a Weggebod, Radlfoavabod, Leinazwang fia Hund, a Bon und Sunnbonvabod und a Vabod an Sää unbfuagt zfohn.Bsundas bedreid wiads Naduaschutzgebiad, emso wias gsamde nidaboarische Arbagebiad, vo da Gebiadsbedraiarin Arbaregion voum Naduaparks Boarischa Woid.^[1]

Hint am Sää is d Sääwend, da Keanbereich voum Naduawoidresawa. Weis do so stai afe gehd, hod Foastwiadschofd do nia a Roin gschbuid. Do stengan Bam, de san iba 400 Joa oid, wens umfoin bleims ling. Vui vo de Viecha san af de ekologischn Niaschn in dem artnreichn Mischwoid ogwiesn, wous Doudhoiz ling bleibd und ois Lemsgrundlog fia Käfa und andare Insektn deand.

45 Vogloatn san im Naduawoidresawa dahoam, a da sejdane Weißricknschbechd, dens nua in de Oipm und do im Boarischn Woid gibd. Valossane Schbechdhejna suachd se zan Beispui da Bammarda. A da Fischotta hod do a Hoamad gfundn.

Meachenwoid

A glei neban Arbasää hods seid 1970 an Maechenwoid, dea im Summa zan oschaugn is. Umara a Stund gehd ma afn Rundgang duachn Woid, an vaschidane Heisln voabei und kann se mid an Gnobfdrugg Meachen voum Band dazejn lossn.^[2]

Schau aa

Liste der Seen in Bayern

Beleg

↑ Naturpark Bayerischer Wald (Memento des Originals [1] vom 19. Aprü 2009 im Internet Archive) Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2 -> Gebietsbetreuung -> Arber
↑ Homepage des Märchenwaldes, abgerufen am 1. September 2012

[1] Naturpark Bayerischer Wald (Memento des Originals [1] vom 19. Aprü 2009 im Internet Archive) Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2 -> Gebietsbetreuung -> Arber

[2] Homepage des Märchenwaldes, abgerufen am 1. September 2012

[1]

[2]