Reng (Fluss)
| Reng (Fluss) Regen (Fluss) |
||
.svg) Koartn vom Flussvalaaf |
||
| Datn | ||
|---|---|---|
| Gwassakennzoi | DE: 152 | |
| Log | Deitschland | |
| Flusssystem | Donau | |
| Ursprung | Zammfluss vom Schwoazn und Weißn Reng bei Pulling 49° 9′ 33″ N, 12° 49′ 55″ O |
|
| Quäinhächn | 381 m i. NN (553 m S.Regen, 580 m W.Regen) |
|
| Mindung | in de DoanaKoordinaten: 49° 1′ 25″ N, 12° 6′ 28″ O 49° 1′ 25″ N, 12° 6′ 28″ O |
|
| Mindungshächn | 325 m i. NN | |
| Hächnuntaschied | 56 m | |
| Läng | 103 km[1] | |
| Eizugsgegnd | 2.953 km² | |
| Linke Nebnfliss | Perlbach | |
| Rechte Nebnfliss | Chamb | |
| Grousstädt | Rengschburg | |
| Kloastädt | Cham, Roding, Nittenau | |
 |
||
Da Reng, amtli: Regen (tschechisch: Řezná), is a 169 km langer Fluss in Ostbayern und Tschechien, is ano a linka Nemfluss da Doana und da lengste Fluss da Obapfoiz.[2]
Inhoitsvazeichnis
Nama[VE | Weakln]
De Geamana hom Regana gsogt D Rema voum Castra Regina, spada Rengschburg hom des ois Reganum oda Reganus ibanumma. Im 11. Joahundat homs Regin gschrim und af a Urkund vo 1140 easchtmois Reng.
Wou da Nama fiara kumma is, des woaß ma net gnau, an kejtischn Uaschbrung ko ma net ausschliaßn. Vui vo de Oate am Reng hom an Bezuag zum Nama. D Stod Reng is vamuadle weng da Log zan Reng so gnennt. Andare san, Rengdoaf, Renghittn, Rengpeilstoa, Rengstauf und Weissnreng sowia da oide Nama vo Roahausn, Reginhusen (Haisa am Reng). Da Oatsnam vo Rengschburg kummt voum lateinischn Castra Regina (Loga am Reng).
Eadkund[VE | Weakln]
Quejfliss[VE | Weakln]
| Groußa Reng | ||
| Gwassakennzoi | DE: 152 | |
| Log | Tschechien, Bayern | |
| Flusssystem | Donau | |
| Abfluss über | Reng → Doana | |
| Quäin | Am Sidhong vom Panzer (Pancíř) 49° 10′ 13″ N, 13° 15′ 14″ O |
|
| Quäinhächn | 875 m n.m. | |
| Zammafluss | in Zwiesl mid Gloan Reng zum Schwoazn Reng 49° 0′ 47″ N, 13° 13′ 39″ O |
|
| Mindungshächn | 553 m i. NN | |
| Hächnuntaschied | 322 m | |
| Läng | 22,4 km | |
| Kloastädt | Zwiesl | |
| Gloana Reng | ||
| Gwassakennzoi | DE: 15212 | |
| Log | Tschechien, Bayern | |
| Flusssystem | Doana | |
| Abfluss über | Schwoaza Reng → Reng → Doana | |
| Quäin | Sidwesthong vom Medvědí Hora 48° 59′ 13″ N, 13° 24′ 58″ O |
|
| Quäinhächn | 1.200 m n.m. | |
| Zammafluss | in Zwiesl midn Groußn Reng zum Schwoazn Reng 49° 0′ 47″ N, 13° 13′ 39″ O |
|
| Mindungshächn | 553 m i. NN | |
| Hächnuntaschied | 647 m | |
| Läng | 16,2 km | |
| Duachflossne Stausään | Trinkwossatoisperre Frauenau | |
| Kloastädt | Zwiesl | |
| Schwoaza Reng | ||
| Gwassakennzoi | DE: 152 | |
| Log | Bayern | |
| Flusssystem | Donau | |
| Abfluss über | Reng → Donau | |
| Ursprung | Zammafluss vom Groußn und Gloan Reng in Zwiesl 49° 0′ 47″ N, 13° 13′ 39″ O |
|
| Quäinhächn | 553 m i. NN | |
| Zammafluss | bei Pulling mid Weißn Reng zan Reng 49° 9′ 33″ N, 12° 49′ 55″ O |
|
| Mindungshächn | 381 m i. NN | |
| Hächnuntaschied | 172 m | |
| Läng | 52,3 km | |
| Linke Nebnfliss | Rinchnacher Ohe, Schlossauer Ohe, Teisnach, Aitnach | |
| Duachflossne Stausään | Renger Sää, Höinstoasää, Blaibacher Sää | |
| Kloastädt | Zwiesl, Reng, Viechtach | |
| Weißa Reng | ||
| Gwassakennzoi | DE: 1522 | |
| Log | Bayern | |
| Flusssystem | Doana | |
| Abfluss über | Reng → Doana | |
| Quäin | Gloana Arbasää 49° 7′ 25″ N, 13° 7′ 14″ O |
|
| Quäinhächn | 918 m i. NN | |
| Zammafluss | bei Pulling mid Schwoazn Reng zum Reng 49° 9′ 33″ N, 12° 49′ 55″ O |
|
| Mindungshächn | 381 m i. NN | |
| Hächnuntaschied | 537 m | |
| Läng | 32,1 km | |
| Kloastädt | Bad Kötzting | |
Voum Südhang voum Pancíř (Panzer, 1214 m) in da Nat vo da Siadlung Zadní Pancíř im Behmawoid kummt da Grouße Reng und fliaßt siadwestle iba Železná Ruda und Alžbětín bei Boarisch Eisnstoa af Baian umme. Da Gloane Reng (Malá Řezná) kwejd noadestle am Fuaß voum Groußn Rachl (Medvědí hora) im Rachlwoid (Roklanský les) oan Kilometa vo da Boarischn Grenz weg, in da Tschechei. Da Gloane Reng volaft noch Noadwestn und duach de Dringwossatoisperrn Frauenau.
Da Grouße und da Gloane Reng fliaßn bei Zwiesl zam und draus wiad da Schwoaze Reng. Zwischa da Stod Reng und Veita fliaßt a duach a oglengs Gebiad, wo oi Boarisch Kanada zua song. Bei de Kanufahra san de zwoa Wuidwossaoschnitt Bärnloch und Oidriegl (Gumpnriada Schwoi) gfrogt. Duat hom se oba a scho a bo darennt. Fia de zwoa Oschnitt is Wuidwossa - Ausristung eafoadale, im Bärnloch is Rettungswestn und Hejm Pflicht.[3].Da Reng fliaßt weida duach net bsiedlts Land, bis a af Teisnach drift und da gloachnamade Fluss in Schwoazn Reng eine laft. Im Oat is a Babiafabrik ogsiedlt, de wo voum Fluss mid Wossa fias Babia vasoagd wiad. Noch Veita gäds duach de zwoa Stausään Höinstoasää und Blaibochasää.
Ois Sääboch kummt da Weiße Reng ausm Gloan Arbasää fiara und zam midm Eemboch bei Sommarau, wiad a da Weiße Reng und fliaßt weida af Lohberg und Lam zua. De Bohstreck Lam – Bad Ketzing iba Arrach, Hohnwarth und Grafnwiesn bis Pulling bei Bad Ketzing foigt an Weißn Reng.
Da Weiße und da Schwoaze Reng drefa se bei Pulling zwischa Bad Ketzing und Blaiboch untahoi vo da Staumaua voum Blaibocha Sää. Vo do o, wiad a Reng gnennt. Oba de Oahoamischn song zu olle Quejfliss nua da Reng.
Fiischvorkumma[VE | Weakln]
Im Reng han vui Fiisch. Im Schwoazn Reng san:
Eiropäischa Aal, Aitl, Eiropäische Äsche, Bochforejn, Bochsaibling, Barbe, Flussbarsch, Bochschmerle, Braxn, Elritze], Gründling, Güster, Hasl, Hecht, Huchn, Karpfa, Groppe, Ukelei, Moderlieschen, Nosn, Rengbongforejn, Routaugn], Routfeda, Quappe, Schleie , Schneida, Walla, Zanda. Bsondas is da Huchn.
Landschaften[VE | Weakln]
Rengsenk[VE | Weakln]
Vo Zwiesl bis Cham fliaßt da Reng duach de Rengsenk, de an Hintan Boarischn Woid noadestle voum Voadan Boarischn Woid und an Foikastoana Voawoid siadwestle trennt. Da Valauf voum Reng wiad, a noch da Rengsenk, oiwei wida voum Pfahl (is a Quarzgang) beeiflusst.
Naturschutzgebiat Rengtoiau[VE | Weakln]
In da Cham-Furtha Senk zwischa Cham und Pösing weit se s Flusstoi stoag, da Fluss mäandert in weide Schleifan. Do is a neis Naturschutzgebiad, Rengtoiau entstandn.[4]. Mid za. 1427 ha is des mid Obstand gräßte Naturschutzgebiad in da Obapfoiz, neba dem voum Künischn Gebirg am Obalauf voum Reng, wos teiweis afn Gebiat vo da Tschechei ligt.1974 is s erschde, 10 ha grouße Schutzgebiat siadle vo Cham enschtandn. S Kerngebiat voum Naturschutzgroußprojekts Rengtoiau hod 1776 ha.[5] De Aunlandschaft mid Erln - und Weidngsamdn Teichn und Oidwossa is a wichtiga Rickzugsoat fia Wiesnbriata. Do kama Uferschnepfn, Bekassine und Großa Brachvogl im Bruatbiotop oschaugn, oba a Zuagvegl wia Kampfleifa, Dunkla Wossaleifa, Greaschenkl oda Singschwän bam Duachzuag.
Weidare Voakomma san Biba, Schwoazhoisdaucha, Wachtlkene, Routschenkl, Leffla, Blaukehlchen, Eisvogl, Moafrosch, Laubfrosch und Gejbbauchunke. A fia Vegetation (z. B. Kleinseggen, Binsn) und sejtane Insektn is s Natuaschutzgebiat a wichtiga Standoat.
In Cham-Untatraumboch is a Beobachtungsstation mid Aussichtstuam.
Rengtoi[VE | Weakln]
Vo Roding durchfloißt da Reng a broade Toisoi, de an Foikastoara Foast vo da Bonwöhra Senk trennt. Ab Stefling wiads Toi enga und knigt bei Marienthoi noch Siadn o. Im enga Toioschnitt bis Hirschling mid seine steila Häng mäandert da Fluss fast goa nimma. Vo Hirschling bis Rengschburg weit se s Toi wida.
Pflanzn, de wos gern woam hom und de a im Donauraum vorkumma, san im Rengtoi gnau richte. Außahoi da Toilog hods a woame Berghäng, an dene Trockarasn und Kiefanwoid woxn. Do find se a Schluchtwoid bei da Burg Stefling und da Burgruin Stockafejs.
Mindung[VE | Weakln]
Z Rengschburg, gnau bei Roahausn, mind da Reng in d Doana. Grod af seine letztn 530 Meta[6] wiad da Reng vo da Berufsschifffoart gnutzt und is ois Bundeswossastraß[7] ausgwiesn, oba nua mid 100 Meter[6] Leng.
Nemfliss[VE | Weakln]
Zuafliss in Reng :
- De Teisnach in Teisnach in Schwoazn Reng
- De Aitnach bei Veita in Schwoazn Reng
- Da Lamboch in Lam in Weißn Reng
- Da Doudnboch in Grafnwiesn in Weißn Reng
- Da Perlnboch in Miltach
- Da Roßbach bei Chamerau
- Da Chamb in Cham, gräßta Zuafluss in Reng
- Da Perlboch zwischa Wiasing und Imhof bei Roding. Sei oida Nam is "Mejna" (Houdeitsch: Miethnach)
- Da Diesnboch in Diesnboch
- Da Wenznboch in Zeitlan
_Lappersdorf.jpg)
Wiatschaft[VE | Weakln]
S Wossa voum Reng wiad fias Drinkwossa und fia Enagiegwinnung gnutzd. A heid no, gibts am Reng Muina, a wen oanige nimma gnutzd wean und vafoin. Hoizvaoawatung und Babierheastejung is a wichtiga Wiatschaftszweig.
s Driftn[VE | Weakln]
Scho im Middloita is da Reng fia de Fleßarei braucht worn. Ab 1847 war da Reng bis Zwiesl floßbar. Am 12. Aprui 1847 san de erschdn siem Fleß mid Breda vo Zwiesl af Rengschburg gfohn. Im Woid um Zwiesl uma, san Schwejn baut worn, wos Wossa vo de Zuafliß gstaut worn is. A da Gloane Arbasää is ab 1885 ois Stausää gnutzt worn. Obahoib vo Zwiesl homs s Hoiz an da Driftsperr gsammet, soatiat und dann weida an Reng owe drift. Gfiacht woas Bärnloch, a via Kilometa lange Streck obahoib vo Teisnach, de mid Fejsblek ibersät war. Duat hom se de Stämm zu Hundatn vafangt un de homs erscht wieda weg raama miassn. Holländer-Stämm san so iba Rengschburg und an Ludwig-Doana-Main-Kanai bis in d Niadalande glangt. Außa Breda und Stämm is a Scheithoiz drift worn.
Ois da Höinstoasää baut worn is, woas mit da Fleßarei af Rengschburg und Cham goa. Bis End vo de 1950er Joa homs no Drift. Zlezt sans no vo Zwiesl aussa bis zua Babiafabrik Teisnach gfohn oba wias an Renger Sää 1955 baut hom, woas ganz goa.
Lidaradua[VE | Weakln]
- Franz X. Bogner: Der Regen. Ein Luftbildporträt vom Arber bis Regensburg. Pustet, Regensburg 2007, ISBN 978-3-7917-2054-8 (Bildband).
- Bärbel Kleindorfer-Marx (Hrsg.): Der Regen. Kultur und Natur am Fluss. Buch & Kunstverlag Oberpfalz, Amberg 1996, ISBN 3-924350-56-6.
Beleg[VE | Weakln]
- ↑ Koartenservice vom Bayrischen Landesamtes fia Umwejd
- ↑ Kanu-Wanderführer für Bayern, 9. Auflage, S. 54.
- ↑ VO LRA Regen vom 24. Juli 2007 Nr. 33-641-4
- ↑ http://www.regierung.oberpfalz.bayern.de/leistungen/umwelt/info/naturschutzgebiete/nsg_cha/regentalaue/066_info.htm
- ↑ http://www.bfn.de/0203_regentalaue.html.
- ↑ 6,0 6,1 Längen (in km) der Hauptschifffahrtswege (Hauptstrecken und bestimmte Nebenstrecken) der Binnenwasserstraßen des Bundes, Wasser- und Schifffahrtsverwaltung des Bundes
- ↑ Verzeichnis E, Lfd. Nr. 44 und 6 der Chronik, Wasser- und Schifffahrtsverwaltung des Bundes
Im Netz[VE | Weakln]
Commons: Regen – Sammlung vo Buidl, Videos und Audiodateien
