Hüpotenusn

Aus Wikipedia
Wexln zua: Navigation, Suach
Der Artikl is im Dialekt Owaöstareichisch gschrim worn.
A rechtwünkligs Dreieck und dem sei Hüpotenusn

D'Hüpotenusn (hochdeitsch: Hypotenuse) hoaßt ma d'längste Seitn in am rechtwünkling Dreieck. Se liegt imma im rechtn Wünki gengüba. De zwoa Seitn, de daun nu üwa han und de wos in rechtn Wünki damit eischliaßn, nennt ma Kathetn.

In wos fia am Vahöitnis d'Hüpotenusn zu de Kathetn steht, des is im Sotz vum Pythagoras festglegt, den ma desweng aa (oba eigntli vahöitnismäßig söitn) Hypotenusnsotz nenna tuad.

In da Mittn vu da Hüpotenusn liegt s'Zentrum vum Thales-Kroas, im Umkroas vum rechtwünkling Dreieck. A wichtige Roin spüid d'Hypotenusn außadem in da Leah vum Sinus und Kosinus.

Da Naum vu da Hüpotenusn kimmt aus'm Oid-Griechischn: hypoteinousa (ὑποτείνουσα) setzt si aus hypo- ("unta") und teinein ("strecka") zsaumm.