Hermann Gmeiner

Aus Wikipedia

Hermann Gmeiner (* 23. Juni 1919 in Alberschwende (Vórarlperg), † 26. April 1986 in Innschprugg) isch der Grinder va die SOS Kinderdérfer.

Er håt 8 Gschwister ghåp unt sei Muater isch gstórm, wénn er finf Jåhr ålt gwésn isch. Sei éltigste Schwéster isch nåcher fir der Muater eingsprungen. As Gymnasium håt’r unterpróchn, weil’r 1940 einruckn håt gmiaßt. In Kriag isch’r verwundet gwórtn, håt når åber die Matura nåchhóln kénnt.

Drauf isch’r (1946) nåch Innschprugg Medizin studiarn gången. Zem håtn as Schicksål va die Kriagswaisn unt årmen Kinder só peeindruckt, dass er sich umen sem kimmert unt sei Studium fålln glåssn håt. Nåch viele Schwierigkeitn isch 1949 in Imst (Tiról) as erste Kinderdórf paut gwórtn. 1951 håt er sei Tetigkeit af gånz Éstreich ausdéhnt, 1955 af Daitschlånt. 1960 håt’r in Stråßpurg in Europäischn Verpånt va die SOS-Kinderdörfer grindet. 1964 unt 1969 sein die Kinderdérfer in Korea unt Vietnam grindet gwórtn. Dernåch isch es in Indien, Sidamerika unt Afrika weitergången.

Hait (2011) steahn weltweit iber 500 Kinderdérfer unt nét gånz 600 Sozialzéntren in 132 Lénder. Zem håm 78 000 Kinder an Unterkunft unt Versórgung; mit 73 medizinische Zentren, 1.715 Einrichtungen und Hilfsprogramme wert in ca. 1 000 000 Lait ghólfn.

Der Nåchfólger van Hermann Gmeiner isch seit 1985 der Helmut Kutin aus Pózn.

Zu lésn[Werkeln | Am Gwëntext werkeln]

  • Hermann Gmeiner: Alle Kinder dieser Welt, Die Botschaft des SOS-Kinderdorfgründers. Styria, Wien 2006.
  • Hermann Gmeiner: Die SOS-Kinderdörfer. SOS-Kinderdorf-Verlag, Innsbruck, München 1985.
  • Hermann Gmeiner: Eindrücke, Gedanken, Bekenntnisse. SOS-Kinderdorf-Verlag, Innsbruck, München 1979.
  • Hermann Gmeiner: Meine Töchter, meine Söhne. SOS-Kinderdorf-Verlag, Innsbruck, München 1987.
  • Claudio J. Honsal: Für die Kinder dieser Welt. Hermann Gmeiner: Der Vater der SOS-Kinderdörfer. Kösel Verlag, München 2009.
  • Hansheinz Reinprecht: Das Hermann Gmeiner Buch, Die SOS-Kinderdörfer und ihr Begründer. Verlag Styria, Graz 1974.
  • SOS-Kinderdorf-Verlag (Hrsg.): Hermann Gmeiner, Vater der SOS-Kinderdörfer. SOS-Kinderdorf-Verlag, Innsbruck, München 1987.
  • Ludwig Stadelmann: Hermann Gmeiner, Ein Leben für die Mutterlosen, Weg und Werk meines Jugendfreundes. Verlag Neues Leben, Bad Goisern 1969.