Hiachst

Aus Wikipedia
Wexln zua: Navigation, Suach
A Woid, so wia ra im Hiachst ausschaugt

Da Hiachst, aa: Hiagst, Heabst oda Hiabst und in manche Gengada aa Hirest, Hirbescht, Hirgscht oda Herbischt gnennt, is oane vo de via Joareszeidn, de Iwagongszeid zwischn am Summa und am Winta. In de gmäßigtn Zonen is a de Zeid vo da Ernte und vom Bladdlfoi.

Je nochdem, ob da Hiachst af da Sidhoibkugl oda da Noadhoibkugl herrscht, untascheidt ma zwischn Noadhiachst und Sidhiachst. Af Grund vom wandandn Zenitstond vo da Sun zwischn sidlichm und neadlichm Wendekroas, wiedahoid se da Hiachst in jeda Hemisphäre mid om jearlichn Turnus. Es is dohea a megle, aus om Sidhiachst n Noadfruajoar zun foigan und umkeaht.

A Zeid vo woarmen und sonnign Dogn im Hiachst nennt ma Oidweibasumma.