Horvathslos
| Der Artikl is im Dialekt Ostestareichisch gschriem worn. |
| Seriendatn | |
|---|---|
| Originaltitel: | Horvathslos |
| Produktionslaund: |  Östareich
|
| Produktionsjoar(e): | 2013-2016 |
| Läng pro Foig: | etwa 25 Minutn |
| Anzoi vo Foign: | 16 |
| Originoisproch: | Deitsch, Ostestarreichisch |
| Idee: | Christopher Seiler, Bernhard Speer |
| Genre: | Satire |
| Bsetzung | |
| |
Horvathslos is a Satire-Serie vom Schauspüla und Kabarettisten Christopher Seiler und sein Produzentn, in Bernhard Speer. Horvathslos hod via Staffen mit jeweus 8-9 Foign und is vuar oim iwa YouTube bekaunnt wuan.
Da Hintagrund[Werkeln | Am Gwëntext werkeln]
Da Grundgedaunkn von „Horvathslos“ is a Parodie auf divease Reality-TV Fuamate. De Hauptpeason is da Anton Horvath, a hocknstaada Drangla, dea wos auf Kaumpfspuatla mocht und si söwa recht guat vuakummt. De Foign san so aufbaut, dass a fiktiva Repoata in Horvath bei divease Sochn interviewt. Dabei losst da Horvath recht markige Sprich in an braadn, ostestarreichischn Dialekt aussa. Weidare Leid, de wos imma wieda auftauchn, san da Bebo "Hermann" Kaahnung, a Flichtling aus Afghanistan, da rechtslostige Schrewagoatn-Obmau Johann Hirflinger, dea wos spooda aa no aundare Sochn wia Buagamaasta und Immobilienmakla mocht, und da Tommy Launisch, a Jugendfreind und fost genau so a eigane Gstoit wia da Horwath söwa. Laut Aussog vom Christopher Seiler is de Figua Anton Horvath zsaumgsticklt aus 15 Leid, de wos in echt gibt[1]. Fia de Drehoabatn hod si da Seiler in echt autschechat, auf dass a in Horvath meglichts authentisch spüüt. Aum Aufaung haum etliche Leid sogoa glaubt, dass de Gschicht midn Horvath a wiakliche Dokumentation iwar an echtn Menschn is. Da Privatsenda ATV wuitat laut Aungob vo Seiler & Speer in Horvath sogoa fia seine Reality-TV Fuamate engagiern, weu s gmannt haum, das ar a reale Peason is.[2] De Serie gibt’s anaseits ois DVD z Kaufn, aundaraseits kaumma si s bis zua 5. Foign und a poa Anzlszenan gratis auf YouTube auschaun. Duach des is de Serie aa bekaunnt wuan, a Foign hod scho 2014 meah wia 650000 Klicks ghobt. Ins Feahnsehn hod s Horvathslos bis dato nu net gschofft. In da viatn Staffe wiad easchtmolig in Horvath sei volla Naum gsogt, und zwoa "Anton Kevin Horvath".
Foign[Werkeln | Am Gwëntext werkeln]
Es gibt via Staffen mit jeweus ocht bis zehn Foign, de wos umma 25 Minutn dauan. Ausadem gibts no Zusotz-Foign und Bonus-Materiäu.
Staffe 1[Werkeln | Am Gwëntext werkeln]
Foign 1: Aller Anfang ist Horvath
Foign 2: Weihnachtsfolge
Foign 3: Im Schnops liegt die Oaweit
Foign 4: illegal=Scheißegal
Foign 5: Lügen haben lange Fahnen
Foign 6: Kein Empfang
Foign 7: Pfusch it to the Limit
Foign 8: Ois Guade Toni
Verlorene Folge
Staffe 2[Werkeln | Am Gwëntext werkeln]
Foign 1: Aller Neuanfang ist Horvath
Foign 2: Wieder tip do
Foign 3: Eine Ratte kommt selten allein
Foign 4: Weg mitn Klumpat
Foign 5: I like Asytom
Foign 6: Ein kleiner Gefallen
Foign 7: Ende Gelände
Foign 8: Up to the Son
Extrafoign: Probetag
Staffe 3[Werkeln | Am Gwëntext werkeln]
Foign 1: Am Wamserplatz
Foign 2: Da Wanda woas
Foign 3: Blind vor Liebe
Foign 4: Eis am Stiel
Foign 5: Pumping Hustler
Foign 6: Vergissmeinnicht
Foign 7: Wo ist die Braut?
Foign 8: Breaking Horvath
Foign 9: Der Schlüssel zur Freiheit
Staffe 4[Werkeln | Am Gwëntext werkeln]
Foign 1: Da Tod is a Hund
Foign 2: Vís-á-Vís
Foign 3: A neiche guade Oide
Foign 4: Augschissn
Foign 5: Die Zeitmaschine
Foign 6: Braten in der Röhre
Foign 7: Die Beboparty
Foign 8: Hals und Steinbruch
Foign 9: Dritte Halbzeit
Foign 10: Zurück zu den Wurzeln
Bonusmateriäu
Oblega[Werkeln | Am Gwëntext werkeln]
Seid 2016 gibts in Oblega Bebo sucht das Glück, den wos frei auf Youtube gibt.[3] Duatn siecht ma, wia da Charakta Bebo "Hermann" Kaahnung aus Horvathslos sei Glick aum Oawatsaumbt prowiad.
Beleg[Werkeln | Am Gwëntext werkeln]
- ↑ TheGap: Gesellschaftskritik mit Mundl-Gen Archivierte Kopie. Archiviert vom Original [1] am 7. Jenna 2016; abgerufen am 7. Januar 2016.
- ↑ Badener Zeitung: Anti Vorbild in Person: Die Kultserie „Horvathslos“ stammt aus Bad Vöslau 21.08.2014 Archivierte Kopie (Memento des Originals [2] vom 6. Dezémber 2015 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
- ↑ Playlist vo "Bebo sucht das Glück " auf Youtube
