Hudsonöista
| Hudsonöista | ||||||||||
|---|---|---|---|---|---|---|---|---|---|---|
Hudsonöista (Pica hudsonia) | ||||||||||
| Systematik | ||||||||||
| ||||||||||
| Wissnschoftlicha Nama | ||||||||||
| Pica hudsonia | ||||||||||
| (Sabine, 1823) |
De Hudsonöista (Pica hudsonia) is a noadamerikanische Fogloat aus da Romfegl-Famij (Corvidae). S'is a kloana Vatreta vu de Echtn Öistan und hod a schwoaz-weißes Gfieda und an schwoazn Schnobl. De Oat is im Westn und im Zentrum vu Noadamerika daham. De Hudsonöista is a typische Oat vu da Prärie und lebt und briat am liabstn an Flussufan in Heckn. Wie aa olle andern Echtn Öistan is d' Hudsonöista omnivor, des hoaßd se frisst Insektn, Aas, Droad und Fricht. De Oat briat vu Mai bis Juni.
Eanan easchtn Bschrieb hod da Joseph Sabine 1823 vafoßt. As Oatepitheton hudsonia beziagt si auf d' Hudson Bay wo as Typexemploa herkemma is. Am naxtn vawond is d' Hudsonöista mid da Göibschnoblöista (Pica nuttali), de wo in Kalifornien lebt und vu dea sa si trennt hod ois d' Eiszeitn gherrscht hom. De Population guit ned ois gfährdet, aa wens regional a wengal Zruckgang gehm hod.
Beleg
[Werkeln | Am Gwëntext werkeln]- Charles H. Trost: Black-billed Magpie (Pica hudsonia). In: A. Poole: The Birds of North America Online. Cornell Lab of Ornithology, Ithaca 1999. doi:10.2173/bna.389.