Huif:Beitrog zrucksetzn

Info: De Huifeseitn is in Obapfälzisch gschrim:

In MediaWiki gibts mehrare Meglichkeitn um oan oda mehrare Beitreg zrucksetzn. Dbei gibts a Sachan zum beachtn.

Wann deaf ma Beitreg zrucksetzn

Grundsetzlich deaf ma Beitreg zurcksetzn de absichtlich Schoon ohrichtn (Vandalismus), aba aa Beitreg de wos guad gmoind san kinnand unta Umständn zruckgsetzt wean. Guad gmoinde Beitreg deafan nua midna ogob vo an rechtgfertign Grund zruckgsetzt wean. A grechtfertigta Grund is zum Beispui, das ma ned d Meinung is, das de Ändarung an Artikl ned bessa mocht. Wenn a Ändarung scho zruckgsetzt woan is, deaf de Ändarung grundsätzlich nua noch oana Diskussion wiedaheagstäit wean.

Wia kon ma an Beitrog zrucksetzn

Beitreg konn ma entweda säiba midna Hendeigob zrucksetzn oda ma vawendt "Revert" oda "Rollback". An "Revert" und "Rollback" mocht ma mid den Link hintan Beitrog in da Vasionsgschicht. Beim "Rollback" gibts a an Link in de Leztn Ändarunga und de Nutzabeitreg.

Wos is d Untaschied

Beitrog säiba mid d Hend zrucksetzn

An Beitrog säiba mid d Hend zrucksetzn is zwar meglich, hod aba den Nachtei, das gscheid langsam is und ma leichta an Fehla mocha kon.

"Revert"

Beim oafachn "Revert" kon ma oan, oda a mehrare Beitreg vo oan oda mehrare Nutza mid na ogob vo an Grund zrucksetzn, des bassiat im Browser, oiso am Computer säiba und is dementsprechnd langsam.

"Rollback"

Administratoan und Nutza mid globaln Rechtn wia zum Beispui globala Zrucksetza oda Stewards kinnand Beitreg mid an "Rollback" zurcksetzn. In andan Projektn gibts aa andane Nutzagruppm den des recht ham z. B. Sichter in d deitschn Wikipedia oder Rollbacker in Wikidata. A "Rollback" sezt olle Beitreg vo oan Nutza zruck, buit aba Standardmäßig ned de Meglichkeit an Grund zum ogem, d gresste Voatei is, das d Serva an "Rollback" aasfihrt deitle schnäia ois Ois andare is.

Beim "Rollback" hod ma no zusetzlich de Meglichkeit de Zrucksetzung und den Beitrog, den ma zrucksetzt ois Botedit zua makian, dmid de Beitreg ned in de letztn Ändarunga eascheina, des soit ma aba nur bei Beitreg vo de ganz schlimma Vandaln mocha.