Hvítanes
Hvítanes [ˈkvʊitaneːs] (dänisch Hvidenæs, boarisch weatli: weissa Londspiz) is a Ort der Färöer in da Nachat fo da Haptstod Tórshavn. Am 1. Jänna 2020 hods bei ana Flech fo 0,31 km2 108 Eiwohna ghob (Dichtn: 348,39 EW/km2), d Postleitzoi is FO-187. Es ghead seit 1974 zua Tórshavna Kommune.
S Wuat Hvítanes is im Nominativ Akkusativ und Genitiv gleich, im Dativ sogg ma (á/av Hvítanesi). Oan, wos z Hvítanes wohnd, nennd ma Hvítanesmaður (weibli: Hvítaneskona, neutral Hvítanesfólk).
Eadkund[Werkeln | Am Gwëntext werkeln]
Hvítanes is neadlich fo da Haptstod am Ostgstod fo Streymoy an da kloan Bucht Gjógvin (Klomm) gleng. A Stross fiad fo da Haptstross duachn Uat und head bei da Akkersvík (Onkabucht) af. Da owane, neichane Uatstei nennd si Uppi á Bygd (Owaduaf) und da untane, ejtane Nidri á Bygd (Untaduaf). A kloana Boch rinnd zwischnduachi. S Duaf is desweng so kloa, wei d Flech fost nua s bebaude Gebiet umfossd. Ois umma ghead z Hoyvík.
Gschicht[Werkeln | Am Gwëntext werkeln]
Hvítanes is 1837 grint wuan, es is somid a Niðursetubygd (Sidlungsduaf). Dia Sidlungsdeafa hand im 19. und 20. Joahunad grind wuan, wei d Bfejkarung af d Färöer stoak gwochsn is und ma mea Wohnraum und londwiatschoftliche Flächn brauchd hod. D Siedla hand fua oim fo Kollafjørður kemma.
2016 hod ma midn Bau fo am 11 Kilometa longa Untaseetunej zum Skálafjørður af Eysturoy ogfong. Af da Streymoya fiad da Tunej umara 425 Meta westlich fo Hvítanes unta d Eachdn eini. Im Dezemba 2020 soigga fertig sei.[1]
Bfejkarung[2][Werkeln | Am Gwëntext werkeln]
Im Netz[Werkeln | Am Gwëntext werkeln]
Commons: Hvítanes – Sammlung vo Buidl, Videos und AudiodateienBeleg[Werkeln | Am Gwëntext werkeln]
- ↑ Eysturoyartunnilin"
- ↑ https://statbank.hagstova.fo/pxweb/fo/H2/H2__IB__IB01/fo_vit_md_t.px/ Hagstova Forøya: Bfejkarungszoina 1985 - 2020 (färöisch).
Koordinaten: 62° 3′ N, 6° 46′ W