Intanazionala Dåg fu da Muataschbråch

Aus Wikipedia
Wexln zua: Navigation, Suach
Der Artikl is im Dialekt Owaöstareichisch gschrim worn.
Shaheed Minar, s'Meatiaradenkmoi in Dhaka, Bangladesch, wo an de Dodn fum 21sdn Februa 1952 earinat wiad

Da Intanazionale Dog fu da Muadaschbroch is jeds Joa a Gedenkdog fu da UNESCO, wos um d'Föadarung fu da schbrochlichn und kuituareln Füfoit ged und um Measchbrochigkaid. Saidn 2000a Joa foid dea Dog oiwai auf n'21tn Februa.

Ungefea d'Höftn fu ole Schbrochn des auf da Wöd gibt san fum Ausschdeam bedrod und desweng hod de UNESCO de Iniziatifn ghobt, den Dog global dafia zan widmen, das Schbrochn ois Zaichn fu kuituarela Idendidet wos weatfois san und a gföadat ghean. Iwahaupt han Schbrochn a kostboare Soch und s'Recht auf de aigane Muadaschbroch wia a des, das d'Leit a nu aundane Schbrochn dazua leanan han da Schlissl dafia, das si d'Leit auf da Wöd bessa faschdengan und meara Reschbekt fia aundane Kuituan haum.

Dea Dog, dea wo a jeds Joa is, soid mea Aufmeaksaumkaid fia Mindahaitnschbrochn bringa, fia Schbrochn fu Migrantn und Flüchtling, fia Regionalschbrochn und bsondas natiali fia kloane Schbroch de wo boid ausschdeam kintadn, wai s'neama fü Leit gibt, de wo de nu kinan. 2005 hod ma bsondas d'Situazion fu da Zaichnschbroch fia Dearische und a d'Blindnschrift aufzoagt. 2008 is sogoa s'gaunze Joa zan Intanazionaln Schbrochnjoa ausgruafn woan.

Bsondas in Lenda wo eascht jez da wiatschofliche Foatschrit so richdig Âizug hoit han fü indigene Schbrochn bedrod, wia in da Amazonasregion in Brasilien, in Afrika, Südostasien und Neiginea. Owa a in de Indusdrilenda gibts an Haufn kloane Regional- und Mindaheitnschbrochn de koan bsondan rechtlichn Schdatus haum und a neta nu fu weng Leit gret wean. Fu de ungefea 6.000 Schbrochn des nu im 1900a Joa gem hod, gibts heit e blos nu 2.000, de zu mindest fu a boa Leit nu aktif gret und faschdaundn wean.

Wias dazua kema is[VE | Weakln]

Im 1952a Joa hod d'Regiarung fum domolign Bakisdan bschlossn, das Urdu d'oanzige ofiziele Schbroch fum Laund sei soid, obwoi s'Urdu eigentli neta in Westbakisdan de am mearan fawente Fakeasschbroch woa und sogoa neta fu 3% fu de Leit d'Muadaschbroch woa. In Ostbakisdan, des wos heit da unobhengige Schdod Bangladesch is, haum d'mearan Leit owa Bengali gret und es hod fost iwahaupt neamt Urdu kina. Am 21. Februa fu dem Joa hods an grossn Protest gem in Dhaka, da gresdn Schdod fu Ostbakisdan, wo d'Leit geng des Gsez demonsdriad haum. Do hod de Bolizai auf t'Demonsdrantn gschossn und es san sogoa Leit daschossn woan.

De Konflikt um dschbrochliche und kuituarele Untadrükung fu Ostbakisdan hod in de Joa drauf oiwai wida fia Eaga gsoagt, bis si da Ostdai im 1971a Joa ogschboitn hod und da neiche Schdod Bangladesch grindd woan is. Da 21sde Februa is doat daun zan "Dog fu de Meatiara" danaunt woan und auf Aundrog fu Bangladesch is dea Gedenkdog im Joa 2000 sogoa zan intanazionaln Dog fu da Muadaschbroch woan.

Bsondana Fokus[VE | Weakln]

  • 2008 woa da Fokus fum 8n Intanazionala Dog fu da Muadaschbroch auf da bsondan Bedeitung fu schbrochlicha Füfoit und darauf, wia wichdig Schuiuntaricht in da aigenen Muadaschbroch is. 2008 is fu da UNESCO a glaichzeidig s'intanazionale Schbrochnjoa und s'Moto is: “languages matter!”, « Les langues, ça compte!», «¡Los idiomas, sí que cuentan!»
  • 2007 hod d'UNESCO bsondas auf de Fabindung zwischn da Bedeitung fu da Muadaschbroch und Measchbrochigkait hingwisn
  • 2006 is draun earinat woan, das fu de 6.000 bekauntn Schbrochn, de mearan recht kloa und akut fum Ausschdeam bedrod san
  • 2005 han d'Zaichnschbroch fu de Dearischn und d'Blindnschrift im Foadagrund gschdaundn
  • 2004 han muataschbrochliche Schuibiacha und Untarichtsmaterialien im Foadagrund gschdaundn
  • 2003 is drauf hii gwisn woan, das mea Weabung und Föadarung fia d'Muadaschbrochn gmocht wean soi
  • 2002 is da Dialog zwischn faschidane Kuituan und untaschiadliche Schbrochn bsondas betont woan
  • 2001 is draun earinat woan, das a bis jez ned faschriftliche Schbrochn a wichdiga Tei fum kuituareln Eabe fu da Menschheit san
  • 2000 woa da easchde Intanazionale Dog fu da Muadaschbroch, nochdem im Nofemba 1999 auf Iniziatifn fu Bangladesch, des fu da UNESCO bschlossn woan is

Schau aa[VE | Weakln]

Im Netz[VE | Weakln]