Jaagersee

Aus Wikipedia
Zur Navigation springen Zur Suche springen
Disambig-dark.svg Der Artike do beschreib an „Jagersee“ im esterreichischn Bundeslond Soizburg.
Zan „Jagersee“ in Mittlfronkn schau → Jagersee (Mittlfronkn).
Der Artikl is im Dialekt Pongaurisch gschrim worn.

Vorlog:Infobox See (Südmittelbeirisch) Da Jagersee (Deitsch: Jägersee) is da kloanare Bruader vom Toppmkorsee und liig untahoib vo dem, auf ner Seeheechn vo 1.099 m, im Toischluuss vom Kloahourltoi, in de Rodstouder Tauern, in Soizburg. Er weascht wia da Toppmkorsee vom Wougroaner Achn durchflossn und so mid Frischwosser vasorg.

Weeng da Loug im Londschoftsschutzgebiat is da Jagersee a beliabs Ausflugszij. Er is mim PKW oder de effmtlichn Vakersmittl direkt zan dareichn, ower a vam nur an Etler km toiausweaschts gleeganen Ort Kloaourl auf am guad ausbaudn Fuass- und Radlweeg glong ma oafocht one a grosse Mia zan Jagersee. Rund uman See firscht a kinderwoonggrechter Spazirweeg. Am See gibs a Seeterrassn sowia an Ruaderbootvaleich.

s Jagerheisl am See is bereits an 18. Jourhundeascht vo de Soizburga Erschzbischef darichtt wourn, seim 20. Jourhundeascht is as Guat im Privatbsitz vo da Familie Nasselrode, se firscht an Jougd- und Fischareibetriab.

Vom Jagersee aus biatt se fir Familien und Wonderfreint de „2-Seen-Wondarung“ zan Touppmkoursee oo (Geezeid ob'm Jagersee sand za. droi Stund, ob'm Parkbloutz Schwouboim (Schwabalm) sands za. zwoa Stund). Im Winter findn d' Longlaffer und Spazirgänger a Rua und Erhoiung in da stijn Winteridijn vom Jagersee. Da Spazirweeg uman See is aa an Winter zan nutzn.

Wikipedia-logo-v2.svg Schau aa unter:
Portoi Pongau