Josko Arena

Aus Wikipedia
Josko Arena
SVR FCB Auswaertsfansektor.JPG
Osttribüne 2004 (Testspui geng FC Bayern Minga)
Frühere Namen

Fill Metallbau Stadion
HomeLife-Arena
Keine Sorgen Arena

Daten
Ort Riad im Innkroas, Östareich
Koordinaten 48° 12′ 28,1″ N, 13° 28′ 42,8″ OKoordinaten: 48° 12′ 28,1″ N, 13° 28′ 42,8″ O
Eröffnung 19. Oktoba 2003
Erstes Spiel SV Ried - Austria Lustenau (1:0)
Oberfläche Natuarasn
Kapazität 7300
Spielfläche 107 m × 65 m
Heimspielbetrieb
Veranstaltungen
  • Spiele vo da österreichischen U-21-Männer-Fuaßboinationalmonnschoft
Lage
Josko Arena (Erde)
Josko Arena

De Josko Arena, bis Juni 2018 d Keine Sorgen Arena, dodavua s Fill Metallbau Stadion u d HomeLife-Arena, is a östareichischs Fuaßboistadion im obaöstareichischn Riad im Innkroas. Seit seina Effnung 2003 is s de neia Hoamstätt vom Bundesligisdn SV Ried und aa im voiständing Bsiz vom Vaoan. Da Namenssponsor is seit Juni 2018 da Fenster- und Türenproduzent Josko, der wos in Kopfing im Innkreis ansässig is.[1]

De Josko Arena is afm Areoi vo da Rieder Messe baut worn und biadd 7680 Zuaschauan an Plotz. Se hod dodamid s Rieder Stadion ois wia a Hoamstadion vom SV Ried oglest, es wo nua iwa uma 1100 Sitzpläz vafiagd. As Rieder Stadion wead owa weida nu fia Leichtathletikwettbeweab u Trainings vom SV Ried gnuzd.

De Zuaschauaräng vo da Josko Arena san voikumma iwadocht u s is a raans Fuaßboistadion. As moant, dass s koa Rennstreckn ums Spuifejd umma gibd u d Zuaschaua direk nem om Spuifejd sizn oda stenga. Doduach wead a bessare Atmosphär garandiad wia in an weidlafting Areoi. As Stadion hod an V.I.P.-Bereich, da wo 2013 af 500 Sizplätz ausbaud worn is und jeza mehra wia zwoa Preiskategorien u Presseoabatsplätz mid Glosfasa-Internetoschluss hod. Af da Westtribina, de wo se hinta oam vo de zwoa Tor findd un a Stehploztribina is, san de Fanklubb vom SV Ried vatredn. Da Ausweatssektor, dea wo an Ploz fia uma 770 Zuaschaua schafft, hod aa Stehplätz.

Im Summa 2013 hod de Arena a Rosnhoazung kriagt, im Summa 2015 is s Fluatliacht af 1200 Lux vastiakd worn.

Schau aa[Weakln | Am Quelltext weakln]

Im Netz[Weakln | Am Quelltext weakln]

 Commons: Josko Arena – Sammlung vo Buidl, Videos und Audiodateien
Panoramafoto vo da Keine Sorgen Arena
  1. Thomas Streif: Neuer Name für das Stadion der SV Ried. In: nachrichten.at. Oberösterreichische Nachrichten, 21. Juni 2018, abgerufen am 30. Juli 2018.