Kakadu-Zwergbuntbarsch

Aus Wikipedia
Der Artikl is im Dialekt Pongaurisch gschriem worn.
Kakadu-Zwergbuntbarsch/schrotz

Kakadu-Zwergbuntschrotzner, a boitzeaschts Mannei

Systematik
Ordnung: Barschartige (Perciformes)
Untaordnung: Lippfischartige (Labroidei)
Famij: Buntbarsche (Cichlidae)
Unterfamij: Geophaginae
Goddung: Apistogramma
Oart: Kakadu-Zwergbuntbarsch/schrotz
Wissnschoftlicha Nama
Apistogramma cacatuoides
Hoedeman, 1951

Da Kakadu-Zwergbuntschrotz (Apistogramma cacatuoides) is a Oart aus da Familie vo de Buntbarsch. Er zejt zua de wejdweid beliabastn Aquarienfiisch. Sei Furschtbestond ois Oart is im Geengsoutz zua onnerne Oartn aus da Gottung vo de Apistogramma gsicheascht, wei er vijfejtig in Aquarien nochezichtt weascht. Oierdings weisnd de mittlerwei in zoireiche Genarazionan zychteaschtn Aquarienfiisch deitlich onnerne Fourm ois wia d' Wijdform auf.

Merkmoie[Werkeln | Am Gwëntext werkeln]

s Mannei vo dia Kakadu-Zwergbuntbarsch darreicht a Kerperleng vo oucht Zantimeter. De Weiwei bleim weesntlich kleaner und darreichnd ausgwouggsn nur a Leng vo fymbf Zantimeter, zuadem homds nid so longe auszogane Flossn wia de Mannei.[1] De Fiisch hom an weng longgstecktn und nur mässig hochn Kerper. s Maj is im Vahejtniss zan Kerper voejtnissmässig grooss und houd auffejige wuistige Lippm. Kennzeichnds Merkmoi sand droi bis vir wejnfermige Stroafm am Unterbauch. Se treetn ba boade Gschlechter auf.

Virkemma[Werkeln | Am Gwëntext werkeln]

Wia oie Buntbarsch vo da Gottung vo de Apistogramma houd a de Oart nur a ser kloas Vabreitungsgebiat. Bis hiazant sands a netta juust in da Nachant vo da peruanischn Stoud Pucallpa am Rio Ucayali nouchgwiisn wourn. Sei Leemsraum sand kloane, flouche Wousserlaf oder lagunenourtige Wousseroosommlungan im Reengwoid. De Fiisch hoidn se bevurzug in ser flouche Wousserzonan mid ner Temparatur vo eppa 24 und 28 °C auf. Typisch is a dicke Labschicht auf'm Boon vom Gwasser, zwischn de se d' Fiisch aufhoidn. A Unterwousserpflonzna und Stoaner wernd ois Vasteck gnytzt.

Furschtpflonzung[Werkeln | Am Gwëntext werkeln]

As Weiwei leeg d' Oar an da Deckn vo ner Hejn oder unter Bladlunterseitn ou. s kymmeascht se alloa um d' Bruat, wärnds Mannei s Bruatrevir vateidig.

Aquaristik[Werkeln | Am Gwëntext werkeln]

An natyrlichn Leemsraum weisnd de Gwasser, in de dia Oart bis hiazant gfundn wourn is, a woachs bis mittlhourts und leicht basischs Wousser auf. Mannei sand revirbijdand, desweeng soid netta a Por, oder a Mannei mid zwoo Weiwei ghoidn wern. De voejtnissmässig scheichn Fiisch soind netta mid ser ruige Beifiisch gmoasom ghoidn wern.

Zuchtforman[Werkeln | Am Gwëntext werkeln]

  • Wijdform: houd netta glei a gonz leichte Färwung
  • Albino: hejer Kerper mid leichter Mustarung und rode Aung
  • Dopperod: Rycknflossn und Schwonzflossn sand rod-schworschz gmustert.
  • Droifochrod: Ryckn, Schwonz und Afterflossn sand rod-schworschz gmustert
  • Orange Flash: Orange Ryckn, Schwonz, Afterflossn

Beleg[Werkeln | Am Gwëntext werkeln]

  1. Wally Kahl / Burkard Kahl / Dieter Vogt, Kosmos Atlas Aquarienfische, Seite 220, Franckh-Kosmos Verlags-GmbH & Co Stuttgart 2003

Literatua[Werkeln | Am Gwëntext werkeln]

  • Horst Linke, Wolfgang Staeck: Kleine Buntbarsche - Ein Handbuch für Bestimmung, Pflege und Zucht. Tetra Verlag, Bissendorf 2001, ISBN 3-89745-100-X.

Im Netz[Werkeln | Am Gwëntext werkeln]

 Commons: Kakadu-Zwergbuntbarsch – Sammlung vo Buidl, Videos und Audiodateien