Kirche Rothneusiedl

Der Artikl is im Dialekt Weanarisch gschrim worn.

Kiach'n Rothneusiedl

Innanraum von da Kiach'n

De Kiach'n von Rothneusiedl is a römisch-katholische Filialkiach'n zum hl. Franz von Assisi in da Himberger Stråß'n im 10. Weana Beziak Favoritn, im Beziaksteu Rothneusiedl.

Se is a Filialkiach'n von da Pfoakiach'n Oberlaa und 1952 baut wuan. De Kiach'n steht gaunz frei mitt'n in ana Greaaulåg', se is afåch und rechteckich mit an Tuam in ana Eck'n.

Da Oitoatisch aus Sichtziagln håt zwaa Engaln links und rechts ois Träga, des Kruzefix aun da Waund dahinta is aus Ton, genau ois wia de zwaa Figua'n aun de Neb'noitoa, de Madonna und da hl. Franz von Assisi. Des soi aun de friachare Ziaglprodukteaun aum Laaer Berg erinnan.

Literatua

• Die Kunstdenkmäler Österreichs. Dehio Wien Vororte 1996. X. Bezirk, Kirchen, Filialkirche Hl. Franz von Assisi, S. 8.
• Werner Schubert: Favoriten. Verlag Beziaksmuseum Favoritn, 1992; S. 132-133.

im Netz

 Commons: Kirche Rothneusiedl – Sammlung vo Buidl, Videos und Audiodateien

• Webseit'n zua Filialkiach'n Rothneusiedl