Klobiaschtn

Aus Wikipedia
Zur Navigation springen Zur Suche springen
Bunte Auswaoi im Lohn

A Klobiaschtn, Scheißheislbiaschtn oda WC-Biaschtn, in Östareich Klobesen gnannt, is a Biaschtn, de zum sauba mocha dea Innenseitn ded Kloschissl benutzt wiad.

Modelle[VE | Weakln]

WC-Schaba aas Kunststoff

Oafache Klobiaschtn ham lediglich an Griff sowia an Biaschtnkopf. Andare Modelle besitzn ab zusätzlichn gloana Biaschtnkopf an d Seitn. Dea es ealeichtan soi, aa Spritza und Vakrustunga am und unta dem Rand dea Kloschissl zua beseitign.

A weidare Variantn besitzt aastauschbare Biaschtnkepf. De Robustheit dea Boaschtn is a weidares Qualitätsmerkmol. Ähnlich wa bei billign Zahnbischtn entstehn bei zu weichn oda se schnej obnutzndn Boaschtn schnej Vaklumpunga. Aa de Obaflächnbeschaffnheit dea Boaschtn spuit a Roi – je raua de Boaschtn san, desto schneja vaschmutzn sie. Bei Massenware wean Boaschtn aas Polypropylen vawendet.

Klobiaschtnhalterunga[VE | Weakln]

Vaschiedene Empfindunga fihrn zu oana aasweitung dea Aasformunga vo Klobiaschtnhaltan. Designaspekte, olfaktorische und hygienische Erwägunga fihrn zu Widersprichen bei dea Gestaltung vo Klobiaschtnhaltan. Ois Faustregl guit: Je bessa de Boaschtn optisch geschitzt san, desto schlechta kön Obwossareste vadunstn. Ois Negativbeispui san zylindrische Halta ogefihrt, in denen de Biaschte komplett vasenkt wiad, wenn de no dazu an passgenaua Deckl afweist. Vorhandne Luftschlitze erfuin do lediglich a Alibifunktion – am Grund des Zylindas entsäod zwangsläufig a wachsende Menge an iblriechendn, unhygienischem Obwossa.

Konstruktiona[VE | Weakln]

  • Ois Voagänga dea heidign Biaschtn guit des Xylospongium, des bereits in dea Antike zum Eisatz kemma is.
  • An den Boaschtn vo Klobiaschtnhalterunga bleibn unvermeidlich geringe Mengn vo Wossa, Fäkalien und Klobabia hänga. Neuiar Konstruktiona kemma deshoib ohne Boaschtn aas, sondan vawenden Kunststoff- odar Silikonschaba, um des Klo zua reinign. De Teile könn aas antibakterielln Grindn mid Suiba behandlt sa, manche Modelle ham a sehr glatte Obaflächn und benutzn so den Lotuseffekt dea Reinhoitung.

Im Netz[VE | Weakln]

Klobiaschtn bie Commons