Kneanklkrickl
Es Kneanklkrickl (so sogns zu ana „Erdungkrücke“, eigantli „Kurzschließerkrücke“) wiad auf de vo da Stromschienan benochboate Schienan aufgsetzt. Brauchn duat ma sowos zum Beispü bei da Weana U-Bauhn, damits ohne Gfoah bei de Gleis umduan kennan oda waun aufgrund vo an Gebrechn de Leit an Zug untawegs valossn miassn. Dofia muass da Strom ausgschoit' wean unds Kneanklkrickl schützt gegns unbeobsichtigte Wiedaeischoitn, wäu daun eazeigts da automatisch an Kuazn, dea wos ihn Leistungsschoita im Gleichrichtaweek auslöst.
Waunst am Haundgriff auziachst, wiad a Fedaspeicha vuagspaunt, dea wos sei Energie schlogoatig freigibt und damits Kontaktstickl aun de Stromschienan auschlägt. De Eadungsvabindung wiad mit an hochflexiblen, PVC-ummanteltn Kupfasäu heagstöt.
Ois easchtas klappst das ausanaund. Nochha setzt das auf de Foahschienen auf und ziagts ihn Haundgriff zruck; da Kontaktblock schnappt auf de Straumschienan. Zan owenehma, druckst ihn Kontaktoam mim Haxn vom Trittblech owe, dawäu hoidst ihn Kuazschliaßa aum Haundgriff ausanaund.
Da Rauhman bsteht aus an glosfosavastärktm Isoliarohr, da Haundgriff aus Kunststoff, da Kontaktfuaß aus Aluminium, da Kontaktoam aus an glosfosavastärktm Polyesterrohr unds Erdungssäu aus ana hochflexibln Kupfalitzn mit ana traunsparentn PVC-Isolatiaun.[1]
Beleg
[Werkeln | Am Gwëntext werkeln]- ↑ Gebrauchauweisung und a poa Büdln Gebrauchauweisung und a poa Büdln (Memento des Originals [1] vom 13. Mai 2013 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
