Kristianstads län

Aus Wikipedia
As Woppn vo da ehemoling Provinz
De friahan Provinzn Kristianstads län und Malmöhus län. Se san 1997 zua neien Provinz Skåne län zammgschlossn worn.

Kristianstads län woa a schwedische Provinz (län). Se is greßtnteis in Noadost-Schonen gleng. De Residenzstod vo da Provinz woa Kristianstad und da Länsbuachstob „L“.

Geografie[Werkeln | Am Gwëntext werkeln]

Im Noadn hod de Provinz on Hallands län und on Kronobergs län ogrenzt, im Ostn is's vo Blekinge län und da Ostsee begrenzt worn, de de sidliche Grenz ausgmocht hod. Im Sidwestn hod Malmöhus län de Grenz buidt und im Westn as Kattegat. De Provinz hod im Joar 1911 a Fläch vo 6445 km² ghod. Im Zug vo da skandinavischn Londhebung af da oan Seit und Londerosion af da ondan Seit woa de Fläch laffnd Vaändarunga ausgsetzt.

Gschicht[Werkeln | Am Gwëntext werkeln]

Noch da Eaobarung vo Schonen duach Schwedn is im Joar 1669 de Provinz zum easchtn Moi buidt worn. Scho im Joar 1680 is's zamm mid Malmöhus län zu om gmoasoma Gouvernement zammglegt worn, des jedoch 1719 wieda afglest worn is. Seit diesm Joar hod's koa administrativn Grenzändarunga meah in Bezug zu ondan Provinzn gem. 1997 san Kristianstads län und Malmöhus län eaneit zua gmoasoma Provinz Skåne län zammglegt worn. De Eihteilung hod no heit Bstond.

Administrative Eihteilung[Werkeln | Am Gwëntext werkeln]

Noch da letztn Kommunoirefoam 1974 hom foingde Gmoana zua Provinz ghead:

Im Netz[Werkeln | Am Gwëntext werkeln]

Koordinaten: 56° 1′ 50″ N, 14° 9′ 30″ O