LaTeX

LaTeX
Entwickla:	Leslie Lamport
Aktuelle Version	June 2023 LaTeX release (Juni 2023)
Betriebssystem:	vui
Programmiersproch	TeX
Kategorie:	Schriftsatz
Lizenz	LaTeX Project Public License
Netzseitn:	latex-project.org

LaTeX [ˈlaːtɛç] (oda [ˈlaːtɛχ]), des is a Softwärpakal, mid dem ma as Textsatzprogramm TeX vui eimpfacher hernemma kon. D'Version 2_ε is grod aktuell.

Des Programm TeX is von Donald E. Knuth, der wo a Professor an da Stanford-University is, entwicklt worn. Leslie Lamport hod na an Ofang vo den 1980er Joar zu dem Ding LaTeX entwicklt (im Prinzip warns grod a boar Makros). LaTeX hoast Lamport TeX. Heid nimmt ma fast imma LaTeX her, wenma TeX braucht.

S'Prinzip

Koa WYSIWYG

Andas wia noamale Textverarbeitungen, da woma sein Text auso eigibt, wira hintahea aasdruckt wead (WYSIWYG = what you see is what you get, englisch fia wos du sigst is wos du kriagst), hod ma bei LaTeX/TeX blos a boar Texdatein, da wo ma hoid dazuaschreib wos a Üwaschrift und iagndwos andas is und LaTeX mocht dann a Übaschrift draus. Aiso bevoa das des LaTeX-System an Text draus mocht, muas den Quelkod, dem wo ma eam gem hod vaorban. Des Layout des wod hintahea rauskimmt schaud dafüa schee aus und ma konn sogor PDF-, HTML- und PostScript-Datein erzeugn lassn. Füa Diplomarbeitn oda irgnd a andas Zeig, des wod recht vui Seitn hod, is des bsondas praktisch.