Lettische Sproch

Lettisch (latviešu valoda)
Gredd in	Lettland Sprecher=2,4 Millionen
Linguistische Klassifikation	Indogermanische Sprachen Baltische Sprachen Ostbaltische Sprachen Baltisch
Amtlicha Status
Amtssproch vo	Lettland Lettland EU
Sprochcodes
ISO 639-1:	lv
ISO 639-2:	lav
ISO 639-3:	lav

De lettische Sproch is de Amtssproch vo Lettland und oane vo de vierazwanzg Amtssprochn vo da EU. Mitm Litauischen und dem ausgstorbna Oidpreissichen gherts zur östlichn Gruppn vo de boitischn Sprochn, de zu de indogermanischn Sprochn ghern.

Gschicht

Lettisch hot se erst im 16. Jahrhundert ausm Lettgallischn entwicklt und hot dabei vui ausm Semgallischn, Selonischn und Kurischn übernumma. Des ejdaste Gschriebne in Lettisch sand a bar Liadl, de a deitscha Pfarra, Nicholas Ramm, 1530 in Riga übersetzt hot.

Ois 1918 da erste lettische Staat gründ worn is, iss Lettisch aa erstmois Amtssprach worn und ma hot versuacht a gwisse Normierung zuar a Standardsproch zu schaffa.

Oiphobet und Aussproch

Des lettische Oiphobet hot 33 Buachstobn, 9 Sejbstlaut und 24 Mitlaut.

Mitlaut

Lettisch	IPA	Deitsch	Beispui
b	b	b	bērns ‘Kind’
c	ʦ	z (wie zua)	cilvēks ‘Mensch’
č	ʧ	tsch	čakls ‘fleiße’
d	d	d	diena ‘Dog’
f	f	f	fabrika ‘Fabrik’
g	g	g	gribēt ‘woin’
ģ	ɟ	etwa dj	ģimene ‘Familie’
h	x	ch (wie in macha)	haoss ‘Chaos’
j	j	j	jaka ‘Janka’
k	k	k	kakls ‘Hois’
ķ	c	etwa tj (wie in tja)	ķīmija ‘Chemie’
l	l	l	labs ‘guad’
ļ	ʎ	lj	ļoti ‘sehr’
m	m	m	maz ‘weng’
n	n	n	nākt ‘kemma’
ņ	ɲ	nj	ņemt ‘näma’
p	p	p	pazīt ‘käna’
r	r	r (Zungaspitzn-r)	redzēt ‘seng’
s	s	stimmlos s	sacīt ‘song’
š	ʃ	sch	šeit ‘hier’
t	t	t	tauta ‘Voik’
v	v	w	valsts ‘Staat’
z	z	stimmhafts s	zināt ‘wissn’
ž	ʒ	wie g in Blamage	žurka ‚Rattn‘