Ludwigstraß

Aus Wikipedia
De Ludwigstraß in Minga

De Ludwigstraß is nebm da Brienner Straß, da Maximilianstraß und da Prinzregentnstraß oane von de vier städtebaulich wichtigstn Prachtstraßn in Minga. Sie beginnt am Odeonsplatz und verlaft ganz grod in nordöstlicha Richtung, etwa parallel zum Isar-Hochufa. Sie übaquert an Oitstodring (Oskar-von-Miller-Ring/Von-der-Tann-Straß), weitet si am End no amol zu am viereckign Platz (Geschwister-Scholl-Platz/Professor-Huber-Platz), der von de Gebaidn von da Universität umschlossn wird, bis sie am Siegestor endt. De axiale Verlängerung wird ab dort Leopoldstraß gnannt.