Lynyrd Skynyrd

Aus Wikipedia
Lynyrd Skynyrd
Lynyrd-Skynyrd-Konzert 2008 in Alabama
Lynyrd-Skynyrd-Konzert 2008 in Alabama
Lynyrd-Skynyrd-Konzert 2008 in Alabama
Oigmoans
Richtung Southern Rock, Hard Rock, Blues Rock
Grindung 1964 in Jacksonville, Florida als Blues Rock-Septett
Auflesung 1977
Neigrindung 1987
Hoamseitn http://www.lynyrdskynyrd.com/
Grindungsmitglieda
Gesang, Songwriter
Ronnie Van Zant (bis †1977)
Larry Junstrom (bis 1972)
Allen Collins (bis 1977; † 1990)
Gitarre
Gary Rossington
Robert „Bob“ Burns (bis 1971, 1972–1974)
Aktuelle Bsetzung
Gesang
Johnny Van Zant (seit 1987)
Bass
Johnny Colt (seit 2012)
Gitarre
Gary Rossington
Gitarre
Mark Matejka (seit 2006)
Schlagzeug
Michael Cartellone (seit 2001)
Gitarre
Rickey Medlocke (seit 1996)
(1971–1972 und 1973 als Schlagzeuger)
Hintergrundgesang
Dale Krantz Rossington (seit 1987)
Hintergrundgesang
Carol Chase (seit 1987)
Peter Keys (seit 2009)
Ehemolige Mitglieda
Bass
Greg T. Walker (1970–1971)
Bass
Leon Wilkeson (1972–†2001)
Bass
Ean Evans (2001–†2009)
Gitarre
Ed King (1973–1975 und 1987–1996)
Gitarre
Mike Estes (1993–1996)
Gitarre
Steve Gaines (1976–†1977)
Gitarre
Randall Hall (1987–1993)
Gitarre
Hughie Thomasson (1996–2005;†2007)
Schlagzeug
Artimus Pyle (1975–1992)
Schlagzeug
Kurt Custer (1990–1994)
Schlagzeug
Owen Hale (1994–1998)
Schlagzeug
Jeff McAllister (1998–1999)
Schlagzeug
Kenny Aronoff (1999)
Hintergrundgesang
Cassie Gaines (1975–†1977)
Hintergrundgesang
JoJo Billingsley (1975–1977)
Hintergrundgesang
Leslie Hawkins (1975–1977)
Keyboard
Billy Powell (1978-†2009)

Lynyrd Skynyrd [ˈlɛnɝd ˈskɪnɝd], ofangs aa Lynard Skynard gnennd (sogd se ois glei), is a US-amerikanische Rockband. Se kean za de wichdegstn Gruppm de an Southern Rock schpuin. Bekannde Liadln san Simple Man (1974), What's Your Name (1977), That Smell (1977), Free Bird (1973) und voa oim Sweet Home Alabama vo 1974.

Se schpuin a hoate Mischung vo Rock, Blues-Rock und Country, in de Texde gäds moast um düpische Siidstoodndemen. As Afdren und Umadum vo da Gruppm is Siidstoodle prägd. Lynyrd Skynyrd untaschein se a vo de andan Southern-Rock-Bands, wia z. B. de Allman Brothers, de a bissl an Jazz mid nei bringa.

Gschicht[Werkeln | Am Gwëntext werkeln]

The Noble Five, des hand, da Ronnie Van Zant, Allen Collins, Gary Rossington, Bob Burns und Larry Junstrom gwen, de sa af da High School in Jacksonville (Florida) zam gfundn hom. Da Schbortlehra vo da Schui, Leonard Skinner, hod de fimfe efda wia oamoi ba Vaschdäß gega d Kleidaoadnung und Hoaschnitt dawischd kod. Wias mid da Schui feade gwen san, homs ian Gruppmnama af Leonard Skinnerd gendad. No und no is da Bandnama a bisl voändad woan, bis zan heidign Lynyrd Skynyrd. Da Leonard Skinner is im Septemba 2010 gschdoam, de New York Times hodn ois „woi einflussreichstn Schbortlehra da amerikanischn PopKuitua“ gnennd.[1]

Iwaroi im Siidn vo da USA homs ogfangd afzdren. Da easchde Eafoig is 1968 gwen, wias a Single - Broduktion inam Schdudio gwunga hom. De Scheim hod ea owa nix eibrochd. Se san weida ois Voagruppm duach Amerika zong, bis 1971 da Johnny Johnson de Lynyrd Skynyrd in seine Muscle Shoals Sound Studios koid hod, wous easchde echde Schdudioeafahrunga gsammed hom. Ba oana vo de Sessions hod da Leon Wilkeson an Bass und da Rickey Medlocke s Schlogzeig iwanumma. 1973 is de Band mid no an weidan Neizuagang, an Ed King ois driddn Gitarristn ba da Plattnfiama Sound of the South (1974 an MCA vokaffd) unta Vodrog kumma. Al Kooper vo Sound of the South, hod de easchdn drei Oim broduziad. Oana da easchdn Hits Free Bird, und oi Afdridd ois Voagruppm fia The Who hom za Popularetäd da Band beidrong,

1974 is s Oibum Second Helping vaeefadlichd woan vo dem a de Hit-Single Sweet Home Alabama (Bloz 8 in de US-Charts) kummt, a musekoische Antwoat af de Liadln Alabama und Southern Man voum Neil Young. De Scheim hod an 12.Bloz in de US-Charts gmochd und meamois Pladin griagd. Nuthin’ Fancy, vo 1975, hod easchdmois an Bloz unta de USA-Top-10 griagt. Gimme Back My Bullets vo 1976 hod den Eafoig ned kobt, owas Live-Doppe-Oibum One More From the Road ausm säim Joa, hods wida unta de Top Ten gschaffd. Af dem Oibum schpuin easchdmois da neie Gitarrist Steve Gaines und no drei Backgroundsängarina mid.

Am 17. Oktoba 1977 hod Lynyrd Skynyrd des sexde Oibum Street Survivors vaeffadlichd kod. Drei Dog dano is des Charterfluagzeig ogschdiazd, mid dem de Band vo Greenville nach Baton Rouge z Louisiana fliang woit. In da Nat vo Gillsburg z Mississippi is de Maschinn inan Woid gschdiazd. Da Ronnie Van Zant, Steve Gaines, sei Schwesda Cassie Gaines und da Bandmanager Dean Kilpatrick san ums Lem kumma gwen. De andan Mitgliada vo da Band san schwa valezt gwen. D Uasach dafia is a menschlichs Vasong gwen.[2][3]

Af da Scheim Street-Survivors, de a bo Dog nom Oschduaz afn Moakt gwen is, zoagt afn Cover de Band middn im Feia. Des is no aus Reschbekt fia de Obfa duach a Schwoaz Cover dasezt woan. Des Oibum is oana da gräßdn Eafoige fia Lynyrd Skynyrd gwen, Bloz 13 in de englischn, Bloz 5 in de amerikanischn LP-Charts. De Rossington-Collins Band, die zwischa 1980 und 1982 zwoa Oim vaeffadlichd hod, is aus Iwalewande vo Lynyrd Skynyrd enschdandn gwen.

Neifoamiarung[Werkeln | Am Gwëntext werkeln]

1987, gnau zea Joa nom Unfoi vo da Band, hod da Johnny, Bruada voum Ronnie Van Zant, Lynyrd Skynyrd mim Rossington, Powell, King, Wilkeson und dem Gitarristen Randall Hall nei foamiad. Zeaschd nua ois Revival-Band fiara Touanee vo 32 Konzeate blant, homs dano weidagmochd. 1988 is s easchde Live-Doppe-Oibum Southern by the Grace of God – Lynyrd Skynyrd Tribute Tour aussa kumma.

Seid de 1990a Joa kumma reglmasse Oim vo Lynyrd Skynyrd afn Moakt. Mid Lynyrd Skynyrd 1991, The Last Rebel und dem Weak Twenty vo 1997 hoitns an Geist und de Idää voum Southern Rock und de Ainnarung an de vaschdoamna Midgliada da Band afrechd.

Am 13. Meaz 2006 is Lynyrd Skynyrd in de Rock and Roll Hall of Fame afgnumma woan.[4]

Diskografia[Werkeln | Am Gwëntext werkeln]

  • 1973: Pronounced Lehnerd Skinnerd
  • 1974: Second Helping
  • 1975: Nuthin' Fancy
  • 1976: Gimme Back My Bullets
  • 1976: One More From The Road
  • 1977: Streets Survivors
  • 1978: Skynyrd's First & .. Last
  • 1979: Gold & Platinum
  • 1980: One More Time For The Road
  • 1982: The Best Of The Rest
  • 1987: Legend
  • 1987: Anthology
  • 1988: Southern By The Grace Of God — Lynyrd Skynyrd Tribute Tour 1987
  • 1989: Skynyrd's Innyrds
  • 1991: Lynyrd Skynyrd 1991
  • 1992: The Definitive Lynyrd Skynyrd Collection
  • 1993: The Last Rebel
  • 1994: Endangered Species
  • 1994: Freebird — The Very Best
  • 1996: Southern Knights
  • 1997: Twenty
  • 1999: Edge Of Forever
  • 2000: Christmas Time Again
  • 2003: Vicious Cycle

Beleg[Werkeln | Am Gwëntext werkeln]

  1. Leonard Skinner, Namesake of Rock Band, Dies. New York Times, 20. September 2010
  2. Aviation Safety Network: Unfallprotokoll Aviation Safety Network: Unfallprotokoll (Memento des Originals [1] vom 15. Óktówer 2013 im Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/aviation-safety.net
  3. Ernst Hofacker: Giganten - die legendären Baumeister der Rockmusik. Hannibal-Verlag, Innsbruck 2011, ISBN 978-3-85445-364-2 S.392, 393
  4. http://rockhall.com/inductees/lynyrd-skynyrd/bio/ Archivierte Kopie (Memento des Originals [2] vom 15. Óktówer 2012 im Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/rockhall.com

Im Netz[Werkeln | Am Gwëntext werkeln]

 Commons: Lynyrd Skynyrd – Sammlung vo Buidl, Videos und Audiodateien