Mars (God)

Aus Wikipedia
Der Artikl is im Dialekt Obaboarisch gschriem worn.
Mars vo da Venus entwoffnet (Jacques-Louis David, 1824)

Mars is a God in da remischn Mythologie. Spoda is a mitm griachischn God Ares gleichgsetzt woan. Im Untaschied zum Ares hod da Mars owa a vui gressare Bedeitung. Ea is nebm Jupiter da wichtigste God in da remischn Religion. De Noma „Ares“ und „Mars“ kenntn aa etymologisch vawondd sein.

In da Grindungslegende vo Rom spuita ois Vodda vo Romulus und Remus a Roin ois Ahnl. Da Monat Meaz hod vo eam an Noma kriagt und da dritte Wochadog Martis dies hoasst in oanign Sproch bis heit noch eam (it. martedi, frz. mardi). De Germanen hom eam midm God Ziu (Tiu) identifiziad (dahea boarisch Deansdog).

Des Attribut vom Mars is a Lanzn, ea wead owa aa mit Hejm, Schuid und Schwert dorgstejt. Des Zeichn vom Mars is a Kroas mit am noch rechts gehendn Pfei, wo aa ois Symbol fia Mona bekonnt is. Und wen ma im Boarischn vo am kriagarischn Zammahang redd, vawendd ma heit no s Wort „martialisch“, oiso „am God Mars zuaghearig“.

Literatua[Werkeln | Am Gwëntext werkeln]

  • PRELLER, Ludwig: Römische Mythologie. Berlin, Weidmann 1865. 2. Aufl. revid. u. mit litterar. Zuasätzn v. Reinhold Köhler Digitalisiat im Netz
  • Richard L. Gordon, Anne Ley: Mars. In: Der Neue Pauly (DNP). Band 7, Metzler, Stuttgart 1999, ISBN 3-476-01477-0, Sp. 946–951.

Im Netz[Werkeln | Am Gwëntext werkeln]

 Commons: Mars – Sammlung vo Buidl, Videos und Audiodateien