Martin Weinek

Aus Wikipedia
Der Artikl is im Dialekt Owaöstareichisch gschriem worn.
Da Martin Weinek (rechts) mid da Denise Zich und'm Kaspar Capparoni

Da Martin Weinek (* 30. Juni 1964 in Leom in da Steiamoak) is a östareichischa Theata- und Füimschauspiela und Reschissöa. Sei vielleicht bekaunnteste Roin hod a in da Fernsehserie Kommissar Rex, in dea'ra in Inspektoa Kunz spüid.

Sei Laufbauh[Werkeln | Am Gwëntext werkeln]

Vu 1983 bis 1986 hod a sei Schauspüistudium beim Peter Jost absolviad. Ob 1986 hod a zeasd in da Theater Gruppe 80 in Wean goawat und hod daun sei easchte kloane Füimroin in „Nochsaison“ ghobt, wo a an Diena fia Aufzüge gspüid hod.

Im 87a-Joa hod a bei de Ruahfestspiele in Recklinghausn unta da Reschie vum Georg Mittendrein in „Der Lechner Edi schaut ins Paradies“ midgmocht und aa im Füim „Müllomania“, in dem a an Müllmau doagstöid hod, unta'm Dieter Berner. Nochhea hod a Ãngaschmaus ghobt beim Jura Soyfer-Theata in Wean und bei aundare Theatabühnen; nembei hod a aa ois Reschissöa, Dramatuag und Produzent ghackid. Vu 1990 bis '91 woa'ra da künstlarische Leita vum Hernalsa Stodtheata.

Zwischnduach woa'ra aa imma wieda bei am Füim oda beim Feansehn tätig, zum Beispüi 1989 in da sexteiling Feansehserie „Calafati Joe“.

Mid seina Frau, da Eva, de noch iahm Theatawissnschoftsstudium zeascht ois Dramatuagin goawat hod, is a nem da Schauspielarei aa a Weibaua. De zwoa haum 1993 ois Hobbywinza augfaunga und bewiatschoftn bei Heilingbrunn drei Hekta Weingoatn.

Füim und Feansehn[Werkeln | Am Gwëntext werkeln]

Da Martin Weinek (rechts) mi'm Kaspar Capparoni in Wean
  • 1989: „Calavati Joe“ (Fernsehserie)
  • 1999-2004 und seid 2008: „Kommissar Rex“ (Fernsehserie)
  • 2004: „Silentium“
  • 2005: „Grenzverkehr“
  • 2006: „Unter weißen Segeln“ (in da Episodn „Träume am Horizont“)
  • 2007: „Die Rosenheim-Cops“ (in da Episodn „Liebe bis zum Ende“)
  • 2008: Der Nikolaus im Haus
  • 2010: „Die Rosenheim-Cops“ (in da Episodn „Tod im Kühlraum“)
  • 2011: Sommer der Gaukler
  • 2011: Der Mann mit dem Fagott
  • 2011: Kebab mit Alles
  • 2013: Hubert und Staller – Der Tote aus der Klatschspalte
  • 2018: Landkrimi – Grenzland
  • 2020: Freud (Fernsehserie)

Im Netz[Werkeln | Am Gwëntext werkeln]

→ Dea Artikl basiad auf ara frein Ibasetzung vom säim Artike in da Wikipedia af Deitsch.
 Commons: Martin Weinek – Oibum mit Buidl, Videos und Audiodateien