Quöntext voh da Seiten Mayotte auhschauh

[[Datei:Mayotte_topographic_map-fr.svg|mini|A topographischa Koatn vo Mayotte, da "Sejpfertl-Insl"]]
[[Datei:Locator_map_of_Dzaoudzi_2018.png|mini|D Regiona vo Mayotte mid da Loḡ vo da Gmoi Dzaoudzi]]
[[Datei:Mayotte_(976)_in_France.svg|mini|A Koatn vo da Loḡ vo da Inslgruppn]]
'''Mayotte''', {{FrS|Mayotte}}, asgsprocha [majɔt]; (shi)Maore: ''Maore'', IPA: [maˈore]; malagas. Maiôty, amtle ''Département de Mayotte'',<ref>[https://web.archive.org/web/20160304200111/http://www.outre-mer.gouv.fr/IMG/pdf/DPMayotte_old-2.pdf ''Mayotte devient le 101e département français le 31 mars 2011''] (PDF), Ministère de l'intérieur, de l'Outre-Mer, des collectivités territoriales et de l'immigration, S. 4, archiviad en 4. Miarz 2016, afgrouffn en 30. Juli 2015</ref> is a iwasejats Departmõ un a Collectivité territoriale unique vo [[Frankreich]]. Es houd d Haptinsl Grande-Terre (oda Maore) u d Nem-Insl Petite-Terre (oda Pamanzi), un a haffa kleannana Insaln um dej zwou umma. Mayotte is a Toal von n Archipl vo de Komorn in n neadlinga Obschnid vo da [[Stroß vo Mosambik|Strouss vo Mosambik]] in n [[Indischa Ozean|Indischn Ozean]] vur n Gstod von n sidestlinga Afrika, zwischn [[Madagaskar]] u [[Mosambik]]. Mayotte gejts wiatschaftle bessa wej d ondan Stootn i da Strouss vo Mosambik, wos d Insl zeren Zill vo ned gwollta Zouwandarung macht.

Dej Landflechn vo Mayotte is 374 km² u - mid Õfang 2020 umma 279 500 Leitn -<ref>INSEE: [https://www.insee.fr/fr/statistiques/fichier/4318291/TEF2020.pdf ''Tableaux de l'économie française 2020'' (pdf)], vgl. [https://www.insee.fr/fr/statistiques/4277596?sommaire=4318291#titre-bloc-3 Régions – Départements: Tableaux et graphiques], afgrouffn en 22 Miarz 2021.</ref> is s recht dicht bsidlt mid 773 Eiwõhna pea km². D grejssta Stod u Prefektua is Mamoudzou af da Maore-Insl (Grande-Terre). Da Dzaoudzi–Pamandzi International Airport ligt af da Pamanzi-Insl (Petite-Terre). Fia Mayotte, resp. fia s ganza Terretorium, wiad aa Maore gsogt, bsundas vo dej Freint vonrana Union mid de [[Komorn]].

Administratif is Mayotte oins vo dea iwasejatn Departamentt vo Frankreich u wej d ondan vejara Iwasejdepartamentt is s aa oana vo de 18 Regiona vo Frankreich un a voll-integriata Toal vo da Repablik mid gleichn Status wej s kontinentolna Frankreich (''France métropolitaine''). Mayotte is dej am weitan draßt lingata Region vo da [[Eiropäische Union|Eiropejschn Union]] (seit n 1. Jenna 2014) u, wej an Iwasejdepartmõ vo Frankreich, aa a Toal vo da Eirozona.  

Ba de franzesischn Departmõ hupft s i soweit aweng as da Reih, dass d Iwazohl vo de Eiwõhna mouttasprochle koa Franzesisch ned reḏn.<ref>{{Cite web|url=http://revue-tdfle.fr/les-numeros/numero-71/47-enseigner-la-langue-francaise-a-mayotte-des-moyens-de-surmonter-quelques-crises-et-conflits-possibles|title=Enseigner la langue française à Mayotte : des moyens de surmonter quelques crises et conflits possibles – Revue TDFLE}}</ref> Franzesisch wiad owa zounemade wej a Zwoatsprouch gredt; 63% vo de, wou 14 un elta han, hom umma 2007 õgem, dass a Franzesisch redatn, wos mittlawal vamoutle zougnumma houd.<ref name="language">{{Cite web|url=https://www.insee.fr/fr/statistiques/2569783|title=LANG1M- Population de 14 ans ou plus par sexe, âge et langues parlées}}</ref> Dej vurherschada durtata Sprouch is s (shi)Maore, a Sabaki-Sprouch, wou stoak vawandt is mid de Komorischn Sprouchn. D nejchst eftana Sprouch vo durtn is s (ki)Bushi, a Furm von n Malagasy, wou nu weidas in a (freja kummana) sakalawischa Variantn un a (spada kummana) antalotischa Variantn aftoalt wiad. D ganzn Varjetetn stengan unta n Eifluß von n (shi)Maore. D Iwazohl vo d Leitn is [[Islam|muslimisch]].

Af d Insl han zejascht oa von n Gstod vo Oustafrika iwe, u spada aa [[Islam|muslimische]] Hanḏlsleit min n [[Arabische Sproch|Arabischn]]. A Sultanat is umma 1500 n. Kr. grindt woan.
In n 19. Jh. is Mayotte eignumma woan, zejascht von n Andriantsoly, en gwenganen Kine vo Iboina af [[Madagaskar]], nou znachst vo da Insl Mohéli u vo da Insl Anjouan, vur dass Frankreich d Insl 1841 kafft houd. D Bvelkaring vo Mayotte houd in an Referendum vo 1974 iwa d Unohangekait vo de Komorn doudafia gstimmt, politisch a Toal vo Frankreich zen bleim. Mayotte is - nou an Referendum vo 2009 midrana groussn Iwazohl, wou doufia gstimmt houd - en 31. Miarz 2011 a iwasejats Departmõ vo Frankreich worn.

Es neia Departmõ houd an haffa Gengwint u vill af da Agenda. Nou an Bricht von n INSEE (Institut national de la statistique et des études économiques) vo 2018 lem umma 84% vo da Bvelkaring unta da Ormutsgrenz (vo €959 pea Mounat fia an ganzn Hausholt), gengiwa 16% i Festland-Frankreich; 40% vo dej Oatt, wou s lemma, han Wellblechhittn; 29% vo de Haushelt hom koa rinnads Wossa ned; u 34% vo da Bvelkaring zwischn 15 u 64 koa Orwad ned.<ref>[https://www.ouest-france.fr/mayotte/mayotte-le-gouvernement-annonce-1-9-million-d-euros-pour-le-plan-pauvrete-mayotte-6720980 Mayotte. Le gouvernement annonce 1,9 million d’euros pour le plan pauvreté à Mayotte.]</ref> 2019 hod mid an Wochstum va da Bvelkaring vo 3,8% d holma Bvelkaring nu koa 17 Joua niad ghobt. Weidas han zwengs da Immegrazion vo de umlingatn Lenda, wou se zant Illegalitet aingat, 48% vo da Bvelkaring aslendische Stootsbiaga.<ref>Patrick Roger: [https://www.lemonde.fr/politique/article/2019/06/20/le-gouvernement-craint-un-regain-des-tensions-sociales-a-mayotte_5479000_823448.html "Le gouvernement craint un regain des tensions sociales à Mayotte"], ''Le Monde'', 20. June 2019.</ref>

== Galeri ==
<gallery>
Dzaoudzi.jpg|Vo om dej Klippn vo Dzaoudzi, da Boulevard des Crabes un es Watt vo Badamiers.
M'tsamboro.jpg|Es Mtsamboro-Inslal.
MBouzi_bouée_délimitation.JPG|Es M'bouzi-Inslal.
Îlot_Bandrélé.jpg|Es Bandrélé-Inslal.
Îlot_de_Sable_Blanc_2.jpg|Es Sable-Blanc-Insadl.
Ilot_Bambo.jpg|Es Bambo-Inslal.
Padza_érodé.jpg|Da Bichl vo Vahibé, dej "Padza" hom an roudn Boḏn mid vill Laterit.
Mont_Choungui.jpg|Da Beaḡ Choungui von n Bandrélé-Inslal.
Dziani_Dzaha_in_Volcanic_Crater_in_Mayotte.jpg|Da Dziani-Sej, oina vo de lang daloschnan Vulkankrota af Mayotte. 
Plage_de_Nyambadao.jpg|Da tropische Strõnd vo Nyambadao.
Mayotte_Bac.JPG|Da Transport zwischn Mamoudzou u Dzaoudzi.
Sakouli_baobabs.jpg|Da Strõnd vo Sakouli samt Baobab-Bama.
Padzas_de_Vahibé.jpg|Paysages de padzas surplombant Passamaïnty.
Mangrove_Hajangoua.jpg|Mangrofn z Hajangoua.
Ripisylve_Mayotte.jpg|Da Riparischa Wold mid de Mangobamm.
Maki_de_mayotte.jpg|Da Maki vo Mayotte (Eulemur fulvus mayottensis).
Ilôts_Choisil.jpg|D Choisil-Insaln mid Riff.
MBouzi_Patate_Sud_Grande_Marée.JPG|Es Korallnriff ba Nidawossa oda Ebbn (M'Bouzi).
Récif_Sakouli.jpg|Es Korallnriff ban Strõnd vo Sakouli.
Récif_Mayotte_ouest.jpg|A olta Korallnkoloni (Porites) af n Westhewal oda so.
Tortue_N'Gouja.jpg|A Schildkrot (Chelonia mydas) z N’Gouja.
Erosion-Petite_Terre.jpg|Bodnerosion (Petite-Terre), wou i Laguna rislt u d Koralln datejt.
Arrière-mangrove_de_Majicavo_janvier_2017.jpg|A vamillta Strõnd z Majicavo.
Corail_fracassé.jpg|A von an Botschal oda an Anker zamatschgata Korallnkoloni. 
Braconnage_à_Mayotte.jpg|Wildarei z Petite-Terre mid Rest vo Schildkrotn u Fliglschneckn.
Acanthaster_Mayotte.jpg|A Schlingsterndl vo de Koralln z Bandrélé.
Panneau_îlot_Bandrélé.jpg|A Schiltl mid Umweltregln z Bandrélé.
Archeoacoua.jpg|A asgroma Ruina z Acoua (XIV.-XV. Jh.)
Polé.JPG|D Ruina vo Ziara de Polé (XV. – XIX. Jh.)
Mausoléeshirazi.jpg|Es Shirazi-Mausoleum vo Tsingoni (XVI. Jh.)
Andriantsoly.jpg|Da Andriantsoly, wou a Sultan vo Mayotte vo 1832 bis 1843 gweng is.
Dzaoudzi1855.JPG|Dzaoudzi umma 1855, a Gravua von n Magazine pittoresque.
Eiffel_Building_(10029882024).jpg|D 1881 nei hergrichtta olta Prefektua.
Dzaoudzi-Boulevard_des_Crabes.jpg|Da Boulevard des crabes vo Dzaoudzi umma 1928.
House_in_Kawéni,_Mayotte.jpg|A Haus z Kawéni, in asognenntn grejsstn Elendsviatl vo Frankreich.
Le_conseil_départemental_(Mamoudzou,_Mayotte)_(34746660561).jpg|Da Conseil départemental z Mamoudzou.
Cases_en_tôle_-_panoramio.jpg|Vill Leit lem i Wellblechhittn, wou inadequat aa "banga" gnennt wean.
Le_centre_universitaire_(Dembéni,_Mayotte)_(34035754784).jpg|Es Centre universitaire de formation et de recherche vo Mayotte.
Kwassa_Kwassa.JPG|A Kwassa-Fischabout mid dem wou aa d Schleppa orwan.
Port_de_Longoni.jpg|Da Hafn vo Longoni (z Koungou) is da oinzinga Hanḏlshafn vo da Insl.
Agropaysage_mahorais.jpg|D Landwiatschaft z Mayotte, mid Kokosniss, Banana, Bloutfricht, Papaya, Mango u Maniok. 
Champ_d'ylang-ylang_à_Mayotte.jpg|Es ylang-ylang-Feld z Mayotte.
Fishermen_at_Moya_beach.jpg|Fischa z Moya (Petite-Terre).
Chissioua_Mtsamboro_–_Mayotte_2.jpg|Da Sable-blanc-Strõnd von n Mtsamboro-Inslal.
Passe_en_"S"_2.jpg|Es brejmte "Passe en S"-Tauchazill.
Îlot_M'Bouzi.jpg|Es M'Bouzi-Inslal.
Lac_Dziani_Dzaha.jpg|Da Dziani Dzaha Sej, a geologischs u biologischs Unikum.
Défilé_mariage.jpg|Umzuḡ zwengs ana groussn Houzat, 2019.
Banga-Mtsamoudou.jpg|A Banga-Hittn z Mtsamoudou.
Le_musée_de_Mayotte_(34791526485).jpg|D olta Kasern vo Dzaoudzi, ejtzad es Museum vo Mayotte.
Tsingoni_minaret.jpg|Es Minaret vo da Tsingoni-Moschee.
Mosquée_-_panoramio_(2).jpg|D Moschee vo Passamaïnty.
La_mosquée_de_Mtsapéré_(Mayotte)_(34746792691).jpg|D Moschee vo M’Tsapéré.
Vue-Sada.jpg|A Blick af d Ortschaft Sada oia.
</gallery>

== Beleg ==
<references responsive="1" />

{{Navigationsleiste Staaten in Afrika}}