Mel Verez

Aus Wikipedia
Zur Navigation springen Zur Suche springen
Mel Verez live am Süvestapfod im Joah 2013

Mel Verez (* 3. Jänna 1990 in Wean) is a österreichische Sängerin und Songwriterin.

Lem[VE | Weakln]

Ihrn Weg zur Musik hod de Verez mit zwef Joah g'fundn, wia's ihr easchtes Liadl g'schriem hod (domois no mid an deitschn Text).

Wäu's a klassische musikalische Ausbüdung aun an Musikgymnasium in Wean ghobt hod, is es iha meglich gwesn, a gaunzes Schippl Komposizionan zum schreim. Inzwischen gibts 150 Liadln, de wos von ihr söba san.

Seitdem, doss wos siebzehne woa, stehts auf da Bühne und is bei so G'schichtln auftreten wia do san da Life Ball oda de Ö3 Zeitreise. Im Joah 2012 hods an da zweitn Staffl von The Voice of Germany täug'numman, in de Blind Auditions hods da The BossHoss in sei Team eine g'hoit. In da Battle Round, de wos nochand kumman is, is owa leida ausg'schiedn.

Z'sammen min Saxofonistn und Mola Alex Borek hoz im Joah 2009 ihr easchte Funk & Soul Formation grind, g'haßn hods Gordopac. Damit san de Funk & Soul Sessions im Luftbod und im Ost Klub in Wean rund uman New Yorker Bassisten Kris Jefferson und in Soulsänger Big John aus Oklahoma kumman. Durtn haums eahna zukinftign Musika kennan g'leant, mid de wos daunn reglmäßig ois Session Opener aufdretn san. Im söbn Joah hod de Verez ihr Jazzgesangsstudium augfaungt, wöches sie im 2013-Joah erfoigreich og'schlossn hod.

2010 is es Debütalbum The Way I Do It aussekumman und zwaa Joah späda is de EP[1] midn Titl Stronger Than Before vaeffentlicht wuan. Im Joah 2013 hoz daunn de Single Head Under Water gem, de wos reglmäßig auf Radio Wien zum hörn woa.

Fia des Album Chemical Reaction, wos im November 2015 aussekumman is, hoz mit ihra Band a sog'nannte Crowdfundingkampagne auf Startnext g'mocht, de wos de Fans motiviert hod, an Täu von de Produktionskostn von dem Album zum zoin.

Nem de Auftritt in Österreich, Deutschland, Schweiz, Ungarn und England hoz de Estareicharin im Joah 2014 a g'schofft, ihr Musi mid ana klanaran Formation in Chengdu (des is in China) zum präsentiern.

Im Aprü 2016 is de Sängerin mit ihrn neichn Soloprojekt Mel Verez, u. a. mit Clara Blume, Schmieds Puls, Bluatschink und no a boa Acts fian Amadeus Unplugged Award nominiert wuan, dea wos im Jazz-Club Porgy & Bess verliechn wiad.

Diskografie[VE | Weakln]

  • 2010: The Way I Do It (Album)
  • 2012: Stronger Than Before (EP)
  • 2013: Head Under Water (Single)
  • 2015: Get Down (Single)
  • 2015: Chemical Reaction (Album)

Im Netz[VE | Weakln]

Beleg[VE | Weakln]

  1. Definition von EP auf musicians.about.com (englisch) abgerufen am 15. Juli 2012