Moastoa
A Moastoa is der Stoa der de Grenz zwischa zwoa oda mehra Grundstickl makiad (an jeda Grundstickseckn, oda a dazwischen anan Punkt wo de Richtung vom Grenzvalaaf se endat oda de Stoi sunst oafach zweid ausananda ling dadn).
Afn Grenzstoa makiad a eigschlongs Kreizl den Grenzpunkt.
Fria hod ma glabt dass de Moastoarugga (schriftdeitsch: "Grenzfrevler") noch eram Doud imma do umheawaitzn miassn, wos den Grenzstoa zu eanan Gunstn vosetzt ham.