Mohammed-Karikaturen
Ois Mohammed-Karikaturen wiad a Serie vo Karikaturn bezeichnet, de wos am 2005 in da dänischn Zeidung Jyllands-Posten vaeffentlicht wuan san. Des woan insgsaumt 12 Zeichnungen (Titl: Des Gsicht vom Mohammed), de wos in islamischn Prophetn und Religionsstifta Mohammed zan Thema ghobt hom. Des hod zu Protestn und Ausschreitungen vo Moslems auf da gaunzn Wöd gfiat, ba dena 150 Menschn ums Lem kumma san.
Bsundas de Zeichnung vom dänischn Karikaturistn Kurt Westergaard mit ana Bombn im Turban hod zu Aufregung gfiat. Seitdem lebt da Westergaard mit Aunfeindungen, Morddrohungen und persenlichn Aungriffn. Ea steht unta Polizeischutz und muass ständig sein Wohnsitz wechsln.
Hintagrund
[Werkeln | Am Gwëntext werkeln]
Im Islam san Obbüdungen vo Allah, Mohammed und aundan Prophetn in menschlicha Gstoit vaboten. Des Büdavabot, des wos in da Debattn imma wieda augfiat wuan is, wiad owa im Islam söwa ned konsequent praktiziat. Zoireiche büdliche Doastöllungen san belegt.
De Kritik vo de dänischn Imame hod si aa gegn de wochsende islamfeindliche Hoitung im Westen und gegn de Bedienung vo Vuaurteun gricht, z. B. de Gleichsetzung vo Islam min Terrorismus. Liberale Kritka hom owa drauf higwiesn, dass de Mohammed-Karikaturn im Vagleich zu de Popst- und Judnkarikaturn in de arabischn Medien hoamlos waradn. De gaunze Aufregung warad deswegn unvahötnismäßig und tendenziö reaktionär.
Im Netz
[Werkeln | Am Gwëntext werkeln]- Die zwölf Karikaturen
- Karikaturen über Holocaust als Gegenangriff Telepolis 7. Feba 2006
- Laufend aktualisierte europäische Presseschau von Perlentaucher.de
- Allah und der Humor Die Zeit vom 1. Feba 2006
- Es besteht Dokumentationspflicht Die Welt, 2. Feba 2006. (Iwa de Pressereaktionen in Deitschland)
- Gegenaufklärung heute, Ralf Dahrendorf, „Project Syndicate“
- Was nun, ferner Bärtiger?, Sonia Mikich, taz, 6. Feba, 2006
- Interview mit Flemming Rose 4 Jahre nach der Veröffentlichung auf zenithonline