Nerd

Aus Wikipedia
Zur Navigation springen Zur Suche springen
Stereotyp vo am Nerd

A Nerd oda Nörd is a Mensch, wo iwamasse intellektuej, obsessiv, introvertiad oda mid an Mangl an soziala Kompetenz oogseng wead. D uaspringle englische Bedeitung "Aussnseita" driffd des Phenomen neama genau. Friaa woar "Nerd" a Schimpfwoat, heit is doalweis a Auszoachnung. Je noch Szene ko dea Begriff recht positiv oda negativ gseng wean.

Nerd ko vui moana: an Strewa, an Sondaling, an Computerfreak, an Difdla, an Muadabuali, an kontaktoarman Intelligenzla oda an Fochidiotn bzw. Fochdrouddl. Es kimmt imma afn Zammahang oo. Unta d Computerleit is Nerd a grousses Kompliment.

Nerd Pride[VE | Weakln]

Duachn Afstieg vom Silicon Valley und da amerikanischn Computerindustrie san an Haffa Nerds za Reichdum kema und hom d Medienkuitua beeihflussd. Tippische Nerd-Interessn wia Superhero, Fantasy und Science Fiction san internationaie Hits in da Oidogskuitua woarn.[1] Oagnschoftn vo Nerds san af amoi ba vuin Leitln winschnsweat und sogor gfeiad woarn.[2]

Beispui vo Nerds[VE | Weakln]

A Nerd Emoji

Nerds im echtn Lebn[VE | Weakln]

  • Bill Gates, da Grinda vo Microsoft[3]
  • Julian Assange, da Grinda vo WikiLeaks[3]
  • Archimedes, Afinda in da Antikn, mid seim berihmdn Spruch: "Zasteads meine Kroas ned."[3]
  • Marc Zuckerberg, da Grinda vo Facebook[4]
  • Evan Spiegel, da Grinda vo Snapchat[5]

Nerds in da Fiktion[VE | Weakln]

  • Steve Smith, aus da Comic-Serie American Dad
  • Neo, da Hacker im Fuim "Matrix"
  • Sheldon Cooper, da Nerd in da US-Serie "The Big Bang Theory"
  • Lisa Simpson, vo da Comic-Serie The Simpsons
  • Professor John I.Q. Nerdelbaum Frink Jr., vo da Comic-Serie "The Simpsons"
  • Peter Parker, da Hejd vom "Spider-Man" Fuim

Im Netz[VE | Weakln]

 Commons: Nerds – Sammlung vo Buidl, Videos und Audiodateien

Beleg[VE | Weakln]

  1. Woyke, Elizabeth. Celebrity Nerds Come Out , 19 September 2008. Obgruafa am 26 June 2012. 
  2. Cringely, Robert. Triumph of the Nerds: A History of the Computer . Obgruafa am 26 June 2012. 
  3. 3,0 3,1 3,2 Gefeierte Fachidioten SPIEGEL Online
  4. Mark Zuckerberg: Ein "Nerd", der die Welt erobert
  5. 7 Beweise, dass Nerds die besten Partner sind (af businessinsider.de)