Nodlspui
A Nodlspui (dt.: Nadelspiel) werd zum Strickn vawendt und bsteht aus fimf, im englischsprochign Raum oft nua via gleichn Stricknodln. Diese san, im Gengsotz zu ondan stoarrn Stricknodln, mid zwoa zuagspitztn Endn ausgstott. Se kenna aus de untaschiedlichstn Materioin heagstejt wean, z. B. Hoiz, Metoi (mid vaschiedne Owaflächn) oda Kunststoff, um de gängigstn z'nenna. De Länga variian vo 10 bis 40 cm, wobei de längstn in Deitschland heit ned meah gebraichli san, woih owa im anglsächsischn Raum. In Deitschland san de longa Spuilnodln duach Rundstricknodln vadrängt worn.
Nodlspuije wean fost ausschliaßli fia's Strickn in da Runde bnutzt. Je noch Greß vom Strickstick variian de Länga vo de Nodln. 10 cm longe Nodln wean zum Strickn vo de Finga vo Fingahondschuah bnutzt, 40 cm longe zum Strickn vo Pullovan. Grundsätzli is's owa megli, aa mid seah longa Nodln kloane Stricksticke oz'featign.