Nudging

Bessare Saubakeit durch Nudging: A Plastikfliang im Urinal bringt d moastn Manna dazua, afd Fliang zan zuin(!) - und wenga danem z schiffn.

Nudging (engl. fia schubsn, oostubsn) is a Konzept vo da Vahoidnswissnschoft. Es sogt, dass duach Standards, Ooregunga und indirekte Suggestion Vahoidn am Bestn beeihflussn konst. Des hoasst, duach oan kloan Schubsa konst oft vui mehra bewiakn ois wia duach Gebot, Vabot, Vuaschriftn, rationale Begrindung oda sogor mid Gejd. Des liegt do dro, dass da Mensch fost imma mid Daamregln entscheidn duad oda gonz intuitiv, oba net mid Entscheidungsanalysen, wo jeda Aspekt bericksichtigt wead (Vahoidnsekonomie).

A Nudge bewiakt oafoch, dass d Leit a bstimmte Option efta heanehma. D oafochste Foam vo am Nudge is a Default (Standard). Bei da Installation vo Software beispuisweis entscheidn se d moastn Leit fia d Standardinstallation, wei des zum oan Zeit spoart und zum ondan, wei d nutzadefiniate Installation z kompliziat ascheint. Bei da Standarinstallation griagt ma nacha aa no oft iagad a Zusotzprogramm untagjubet. Des is d negative Seitn vom Nudging.

Wia se jemand entscheidn duad, hengt vo da Situation bzw. vo d Umwejtroaz ow (Framingtechnik). Des hoaßt, wia wos presentiad wead, beeihflusst d Entscheidung.

Nudging Technikn

Default rules

Standards wean fiagebn, on de wo ma se hoidn ko, oba net muaß. Beispui: Softwareinstallation

Simplification

Je oafocha a Vafoarn is, desto mehr Leit hoids se dro. Beispui: Newsletteroomejdung nua mid Nom und Email-Adress.

Reminders

A Dainnarung ko a gwinschts Vahoidn ausläsn. Beispui: Zohlungsdainnarung.

Warnings

Gefoarnhiiweis af da Vapockung. Beispui: Zigarettnschochtln.

Disclosure

Offalegung vo Hintagrundinfos. Beispui: Aufschlissalung vom Energievabrauch.

Literatua

• Richard Thaler, Cass Sunstein: Nudge. Improving Decisions About Health, Wealth, and Happiness., Yale University Press, 2008

Im Netz

 Commons: Nudge – Sammlung vo Buidl, Videos und Audiodateien

• nudges.org Blog zan Buach vom Thaler und Sunstein