Nutza:Luki/Protoindoeuropäa

Der Artikl is im Dialekt Owaöstareichisch gschriem worn.

Protoindoeuropäa oda Uaindoeiropäa, dt. Protoindoeuropäer oder Urindoeuropäer, oda a Protoindogermanen, Uaindogermanen. Es gibd vaschidane Bzoachnungan, owa moana duat ma des Söwe. Es san mera Gegandn vuagschlogn wuan wo se de Protoindoeiropäa ausbüt hedn. Owa de am Bestn meglige is de Gegnd owahoib vom Kaukasus und Rechts vom Schwoazn Mea.

Protoindoeiropäa

Es gibd umma 180 Schprochfamülin und eppa ebmsovü isoliate Schprochn wia des Baskische. Unta de großn Schprochfamülin, vo de mera ois 20.000.000 Leid oane ira Schprochn red gibds nua 13 Famülin. De Greßte is de Indoeiropäische (Indogermanische). De 13 Greßte is de Uralische Schprochfamüli (Finno-Ugrische Schprochn). Und de Zwoa san am nochstn midanaunda vawaundt. Uaschpringli woan Bade Protogruppm nua Jaga und Saummla.

Do ins de Oidvuadan ned de Freid gmocht hom, Hieroglyphn af Stelen zhintalossn, bleibm de Fuascha nua Growungsfund und vuaoim de Schprochuaschprungsfuaschung (Glottogonie) und de Onomnastik (Naumansfuaschung) vo de Wossa- und Flißnaum. Owa a wengli Hüfreich san a de Haplogruppn Untasuachungan.

Fia de Zeit vua eppa 15.000/10.000 bis umma 7000 Joah v.Kr. hom Bade megligawoas a gmoasaume Uaschproch ghobd. Eigendli is scho wida, wia so oft in da Gschicht, des Klima schuid drau, daß ins Indoeiropäa eigendli gibt. Noch da Würmeiszeit hods im 10 und 9 Joahtausand v.Kr. gnuag Wossa und Feichtigkeid in da heidign Schteppn gem. Vom 9 bis ins 7 Joahtausnd v.Kr. is owa oweu weama und dahea a druckana in dera Gegand wuan.

De Wöda haum se weida in Nuadn zruckzogn und schtod Eana is a Woidschteppn gwoxn, de sidliga in a reine Schteppn iwagaunga is. De Protouralia san mid de Wöda nuadliga zogn und san bei da gwehndn Jogarei und Saummlarei blibm.

Dene schpodan Protoindoeiropäa sidliga, is nix aundas iwrigblim ois fia se a neiche Wiatschoftsfuam zfindn. Do da Ockabau bis in den Wünki vo dera Wöd nu ned hikema is, es woa nu a boa Johtausand zboid, is eana nua des Ealeana vo da Viehoitung iwriblim (Nomadismus). Umma 9000 Joa vua Heid hom se vamuatli de Protoindoeiropäa vo de Protouralia schprochli trennd.

Vo eppa 9000 Joah bis vua umma 3200 Joah vua Heid, weans in mera Kuituaschtufn eiteud.

Im Netz

• http://de.wikipedia.org/wiki/Sprachursprung Glottogonie

Video

• http://www.youtube.com/watch?v=UKrjN_2kuXo
• http://www.youtube.com/watch?v=DpbjquTQT98
• http://www.youtube.com/watch?v=CSYQGcNWEmw
• http://www.youtube.com/watch?v=8VrUu0LcApo%7C