Nutza:Rotzbua/FAQ/Archiv

Stammtisch

Warum trifft ma unobhängige Autorn zua Zeit nua sejtn am Stammtisch?

Da Stammtisch is in dena letztn 1-2 Joar insbesondare vo am Admin imma wieda fia Schwurbearien gnutzt worn: Endlose Tiradn vo Vaschwearungstheorien, sebjstgstrickte Theorien iwa de Boarische Sproch und so weida (ned zan vagessn: de zuagebane, wiedahoite Geheimdiplomatie per eBriaf, um ondare Admins fia si einznehma). Bis hi zu am Vasuach mit Huif vo am herbeigruafenen, seejnvawandtn Vogtn a unlegitimiats Tribunal (wo konspirativ in oana ondan Wikipedia ausgheckt woan is) gegn unobhängige ondasdenkende Nutza afz ziang (wegn so schwaara Vagehn wia de Nutzung vo de Begriff Heilige Vuifoit und Unheilige Vuifoit zua Charakterisiarung vo am Admingeschwurbe, oda de Oblehnung vo da Boarischn Umschrift, oda de entschiedanen Protest gegn Woimanipulationen duach ebm den Admin...).

Und nochdem se endle do olle zammagrafft hom und aufeinanda zuaganga san, jo sogor a weitgehende Iwaeinstimmung dazuit woan is, woa eam des no lang ned gnua (ea hod se offensichtle denkt, dass ea do herin - zamma mit seim mutm. Zwilling - ois alloa diktian ko)... Deshoib isa mit oana Schwurbekampagne duach ondare Wikipedias zogn, u.a. mit dreistn Faschismusvoawiafn gegn jidische(!) und linksliberale(!) Nutza vo da Boarischn Wikipedia. Um nacha, wei des aa neamd (aussa seim mutm. Zwilling) interessiat hod, am Stammtisch wieda amoi Rechtfertigungsgeschwurbe voaztrogn. Kategorie: Ewige Wiedakeah vom Gleichn. Und wenn er nicht..., dann schwurbet er noch heute. Dass s kaum no Leidln gibt, de wo si de Zeit nehma oda Lust hom, sowos z lesn, ko ma irgendwo vasteh, oda?

God sei Dank, is mit da Einfiarung vo Moanungsbuidan in da Boarischn Wikipedia, de Funktion vom Stammtisch auf des beschränkt wos a is, a Stammtisch ebm. Deszweng nema des etz aa mehra mit Humor und mit da sprichweatlichn Liberalitas Bavariae; da Stammtisch deaf a weida ois Couch gnutzt wean ;) Da Grosstei vo de Autorn is owa in easchta Linie do, um Artike z schreim und in zwoata Linie um z vahindan, dass de Hauptseitn fia oaseitige Zwecke (Umschrift-Propaganda etc.) missbraucht wean; und ned um Dog fia Dog tonnenweis POV as POV can be vo oana oanzlnan Person, de wo se sejm a wengal z wichtig nimmt, z lesn. Wann se des grundlegend ändat, wean a wieda meah Leidln zum Stammtisch geh...

Gruppm

Gibts in da Boarischn Wikipedia a Konfrontation vo Gruppm?

Iwaroi wo Menschn zamma san, gibts Sympathie und Antipathie, gibts a wengal Kabale und Liebe, damit muass ma lebm. Und natiale gibts vaschiedane Interessn, vaschiedane Konzepte (wia z.B. de Schreibweis), wo miteinanda im Wettbewerb stenga. A Gruppmbuidung wias vo am Admin und seim mutm. Zwilling herbeigredd, jo gebetsmuinoartig herbeigschwurbet wean soi, gibts nua in de Kepf vo dena zwoa Leitln. Des is dea zum Scheitan vaurteite Vasuach, a graviarends Fejvahoidn am Rand vo juristischa Relevanz (Nazi-Voawiaf) z entschuidign, z vaschleian und auf ondare z projezian, indem Leidln gegneinanda aufghetzt wean (vgl. u.a. Moanungsbuid zum Benutzasperrfavoarn). Sogor vor Sockpuppmspuilarein auf Meta is do ned zruckgschreckt worn. Dabei is jo aa scho - in denkwiading Loddar-Englisch-Dialogn ;) zwischn dena zwoa - vum mutm. Zwilling mit weidan Aktionen droht worn... Wos damit gmoant wor, homa jo noch da Wiki-Tour erlebt: Kaschpaltheata ba Woin (gegn de oaganen Vuaschläg stimma), Chewbacca-Schwurbelein (aus am Täta kuazahand a Opfa mocha), rabulistische Exerzitien (vgl. Tafalstreit et. al.), Leidl gegneinand aufhetzn... und ea sejm da Socknspuila, danzt im Socknpuppmrock wiara Bock...

Mia is koa oanziga eansta Konflikt zwischn irgendewejchn Nutzan vo da Boarischn Wikipedia bekonnt, koa oanzigsta. Ois draat se - seit Monatn, seit Joarn - um de psychischen Befindlichkeitn, persenlichn Animositätn, peinlichn Schwurbelein, absurdn Vafoigungstheorien vo oana oanzign Person, de wo de Boarische Wikipedia offensichtle mit irgendwos ondas vawexlt (am Wiatshaus-Stammtisch vialleicht oda am Psycho-Schwurbe-Forum oda ana Analytika-Couch, wea woass des scho). Kloar, de wo so a Vahoidn blind untastitzn und damit aa no ohoazn, miassn se Kritik gfoin lossn.

Mobbing? Unsinn hoch drei, a groba Missbrauch vo am Begriff. Dazua miassat ma eascht amoi irgenda Interessa an so oana Person hom. Und - dass as Voik an Funktionär mobbn ko, howi aa no nia nit gheat. Aussa, jo aussa vo Politikan etc., de wo mit am Amtsmissbrauch oda ana Ricktrittsfoardarung konfrontiat wean, weis Mist baut hom... und vo dena eanare Edldomestikn und dressiatn Chewbacca-Offn.

Weidane sochdienliche Hinweise findst do: Offana Briaf.