Nutza Dischkrian:Tsui

Seavus Tsui! I probia's oafåch, dass i di üwared ;-)

Vielleicht mechst doch amåi iagndwo då herin midschreim. Is jå gãunz egal, ob im Artikl-, Meta- oda Sunst-wås-Bereich. Und es is wuascht, wia vamischt dei Dialekt is und wiast du schreibst; des Projekt mecht jå eh in Dialekt in seina Vüifåit präsentian, då passt a jeda Mischmasch guad eina. Und zu wöicham Thema'st di eibringst, is aa dei Entscheidung. Vielleicht zaht's di jå måi, üwa's Ankor Wat wås z'schreim, aa de boarische Wikipedia is a Enzyklopädie üwa oiß, ned netta üwa si söiwa.

Wia a Wiki funkzioniad, eakläa i da ned, weu des woaßt vu da deitschn eh håagenau. Des "sei mutig" güit då herin aa. Und mid "Bitte nicht stören" bist du sicha ned gmoant.

I gfrei mi auf wås aa imma du då herin vabrichst, uns kimmt eh a jeda Schreiwa gråd recht. Wãunst di hauptsächli in da deitschn WP aufhåitn mechst und hia und då måi då wås schreibst, des warat aa schãu supa!

Schene Griaß aus und nåch Wean (åis zuagroasta såg i des so), --i bin da Man77 und do kaunst mit mia redn 00:20, 17. Apr. 2008 (CEST)[Antwort]

Dank' Dir für die Begrüßung!

I werd jetzt wieder amal wås vom H.C.Artmann lesen, vielleicht kriag i so a besseres Gspür dafia wie si, in mein Foi, Wienerisch a schriftlich festhoidn låsst.

Ehrlich g'sagt wår (und is) dieses Mischmasch aus verschiedene Mundoarten des, was mi am meisten skeptisch macht, wie a boarische Wikipedia funktioniern soll. Aber i werd auf jeden Foi a boa Artikel lesen und versuchen mi a bissl damit vertraut zu machen ... schau ma mal ;-)

Servus, Tsui 00:37, 17. Apr. 2008 (CEST)[Antwort]

Geh's ruhig gmiatlich ãu, i håb aa Monate braucht, bis i an gscheidn Weg gfundn håb, mei Sprechweis passnd zu vaschriftlichn, weu i ned z'vü diakritische "Hackal und Ösn" eibaun woit, åwa dass's trotzdem zu meglichst kane Vawexlungen kemma kãu. Des braucht håid a weng a Gspia und a weng a Zeid.

Wia des mid de Dialekte hihaut, eakläat da vielleicht Vorlage:Dialekt-oben (fia'n [Großteu vu am] Artikl), Vorlage:Dialekt-Text (fia an Åbschnitt) und Vorlage:Alien (nåch klane Ändarungen). Des warat s'momentane System.

Dãun vüi Spaß beim Eilesn, unsare "bestn" Weake findst unta WP:BA, auf da Hauptseitn untn bei "Informazionen zum Thema Boarisch" wissnsweate Såchn üba'n Dialekt, de da vielleicht aa weidahöifn.

scheene Griaß, --i bin da Man77 und do kaunst mit mia redn 09:35, 17. Apr. 2008 (CEST)[Antwort]