Nutzgöd

Des Nutzgöd oda Nutzgejd (dt. Nutzgeld) woa zan Vabrauch bschtimmt. Und hod je noch Fafiagboakeit vaschiadane Preis (Weat) hom kena. Afängli woans Fö odas Fleisch vo de ealegdn Vicha, sowia Weakzeig aus Schtoa und natiali a des wichtige Soaz. Mid da zuanehmandn Laundwiatschoft und da Viehzucht woans a Eanteeaträg und Nutztia.

Mid wos ois ghaundlt wuan is

Bliabt woan a haundweaklige Eazeigniss wia Woi und Tiacha und a Schmuckschtickl. Droad woa aa a gengigs Nutzgaid, z.B: Flughofa, Hiase, Eikoarn und da Dinkl. Nu bis ins Schpodmiddloita hom de Baun eanane Ogobn mid Droad Vicha zoid.

Laud da englischn Moaktoadnung hods fuagande Weat fia noawegische Schtockfisch gem:

240 Schtockfisch = 1 Kua = 6 Schof = 120 Ellen Woi.

100 Schtockfisch = 1 fassl Wei.

20 Schtockfisch = Huafeisn fia 5 Ressa oda a Fassl Bia.

15 Schtockfisch = 1/8 Fassl Honi.

Da Homer hod an Weatmossschtob bschrim.

Da Weat ana Ristung = 9 Kiah.

A Weiwal, je noch Schtaund und Heakunft = 5 bis 20 Rinda.

A grossa brozana Dreifuass = 12 Kiah

Easozgaid fia an Mau = eppa 100 Rindvicha.

De Remische Bzoachnung fias Gejd woa pecunia und des hod se vom Lateinischn pecus, Viech heagloat. Ebnso bzoagt den Weatmossschtob da Rindviecha, des germanische Kugildi des wos da Bairin zuagschtaundn is.

Rinda woan ollezeit a gütiga Weatmossschtob. De Rindvicha woan owa domois weid kloana. No im Schpodmiddloita hod ma de Ristung vo de Ritta in Rinda umgrechnt. Se woa a recht kostschpülige Auschoffung.

Hoizschüd und Launzn = 2 Kiah.

Schuppnpaunza = 12 Kiah.

Höm = 6 Rindvicha.

Schweat = 7 Kiah.

Boaschinan = 6 Rindvicha.

Des woa da Weat vo 45 Rindviecha und woa a zgloach da Viehbschtaund vo oan dauachschnittlign Doaf.

Litaradua

Karl Marten Barfuß,Geld und Währung in Volkswirtschaftslehre Gabler Verlag Wiesbadn 2001 ISBN=3-834917-04-4
Adalbert Kitsche, Heinz Markmann 2005/2006 Geld & Geldpolitik: Ein Heft für die Schule Sekundarstufe II] Verlag Th. Mann Verlag
Hans Harlandt, Das Geld.1994,Eine Einführung in Wesen und Funktionen Schäuble-Verlag Rheinfelden/Berlin,ISBN=3-87718-542-8
- Wehdorn Armine/Mit Salz, Beil und Rind auf Shopping-Tout. 2009-Österreichische Natzionalbank, Begleitheft zur Sonderausstellung.

Afsätz

http://www.forschung-frankfurt.uni-frankfurt.de/43021820/Seitz_FoFra-2012_02_78-83.pdf%7C Von der mykenischen Palastwirtschaft bis zu Homers Helden

Im Netz

http://de.wikipedia.org/wiki/Geld
http://de.wikipedia.org/wiki/Geschichte_des_Geldes
https://web.archive.org/web/20131231013831/http://geld-und-wohlstand.de/
Geld und Geldpolitik (PDF)
Geldmuseum der Österreichischen Nationalbank
Modern Money Mechanics – A Workbook on Bank Reserves and Deposit Expansion (PDF) Federal Reserve Bank of Chicago, 1994 (englisch)
http://commons.wikimedia.org/wiki/Category:Money?uselang=de