Obasää

Obasää; Obersee
	Da Obasää vom Siduafa aus gsegn, toiausweats gegn Noadost da Watzmo, dovoa de Hachelkepf und da Burgstoi obahoib vo St. Bartolomä, links Sagereckwand, rechts Kaunerwand
Geografische Log	600 m sidestli vom ; Kenigssää
Zuaflüss	Fischunkel
Åflüss	Saletboch zum Kenigssää
Gressane Ortschaftn am Uafa	Fischunkeloim
Ortschaftn am Uafa	Scheenau am Kenigssää
	Datn
Koordinaten	47° 30′ 58″ N, 12° 59′ 18″ OKoordinaten: 47° 30′ 58″ N, 12° 59′ 18″ O
	Obasää (Bayern)
	Obasää (Bayern)
Hechn üwan Meeresspiagü	613,1 m ü. NN
Flächn	57 ha
Seebreadn	420 m
Volumen	16.855.000 m³
Umfång	3,5 km
gresste Diafn	51 m
durchschnittliche Diafn	29,60 m
Bsundaheitn	Beagstuaz

Da Obasää oda Obersee is a Sää in de Beachtsgoana Oipn in Obabayern. Ea wead oft ois kloana Bruada vom Kenigssää gnennd. Ea is voa umara 10.000 Joar zamma midm Kenigssää entstandn. Ea woa vo Ofang o duach an Moränenwoi (aus da Eiszeid) vo eam trennt und ned - wia oft vazejd wead - duach den Beagstuaz vo anno 1172.^[1]

Eadkund

Da Sää hod a middlare Diafn vo 29,60 m und a grässde vo 51 m. Ea is 1,32 km lang und 0,42 km broad. Da Wossaspiagl liegt bei ana Hächn vo 613 Meta.

Iwan Saletboch, an 600 Meta langan Wuidboch, rinnt Wossa vom Obasää in den Kenigsää. Af hoibadn Weg buidt da Boch an kloan Sää, in Mittasää. Dea Sää is uma 110 Meta lang und 60 Meta broad. Sei Wossaspiagl liegt af 608 Meta Hächn.

Drei Kilometa sidle vom Obasää liegt de Blaue Lackn (dt. Blaue Lache) af ana Häh vo 1816 Meta.

Im Obasää gibts an Haffa Fisch. Seit 1978, seit da Grindung vom Nationalpaak Berchtsgoan, deaf im Sää neama gfischt wean.