Ocre

Aus Wikipedia
Ocre
Wappen
Ocre (Italien)
Ocre (Italien)
Ocre
Staat Italien
Region Abruzzn
Provinz L’Aquila (AQ)
Koordinaten 42° 17′ N, 13° 29′ OKoordinaten: 42° 17′ 0″ N, 13° 29′ 0″ O
Häh 850 m s.l.m.
Fläch 23 km²
Eihwohna 1.167 (31. Dez. 2015)[1]
Dichtn 51 Eihw./km²
Postloatzoi 67040
Vorwoi 0862
ISTAT-Nummera 066059
Voiksbezoachnung Ocrensi
Hoamseitn Ocre
Ocre, Convento di Sant'Angelo
Ocre, Convento di Sant'Angelo


Ocre is a italienische Gmoa mid 1167 Eihwohna (Stond om: 31. Dezemba 2015) in da Provinz L’Aquila in de Abruzzn.

Log und Datn[Werkeln | Am Gwëntext werkeln]

Ocre liegd im Natuapark Sirente-Velino. Es liegd 13 Kilometa sidestli vo da Regionoihaptstod L’Aquila z Fiaßn van gleinaming Beag (2200 m). Ocre bstähd aus de Fraktiona: San Panfilo (Siez vo da Gmoavawoitung), San Felice, San Martino, Valle und Cavalletto und grenzd on de Gmoana: Fossa, L’Aquila, Rocca di Cambio, Rocca di Mezzo sowia Sant’Eusanio Forconese.

Gschicht[Werkeln | Am Gwëntext werkeln]

As Toi van Aterno woa scho in da voaremischn Zeid bsiedld. Uma 293 v. Kr. is de Gengd remisch worn. Uma 940 wead Ocre easchtmois uakundli eawehnd. Seit 1178 is vo ana Festung in Ocre de Red, ba dea's se woahscheinli um de Buag van Haptort San Panfilo hondld.

1226 is in Ocre as Klosta Santo Spirito (Heilig Geist), wos 1248 on an Zisterziensaoadn iwagonga is, grindd worn.

Ois im 13. Joarhundad L’Aquila grindd worn is, is Ocre strategische Bedeitung ealongd, wei ma vo da Buag aus on Großtei vo da 140 Meta diafa glengna Stod kontroiian kinna hod. In dea Zeid is aa's exponiade Franziskanaklosta San Angelo grindd worn.

Bis 1806 woa Ocre a Grofschoft (Baronie), z'ledzd vo da Famij Bonanni-Ocre, dean Nochkumma zan Tei no heit in Ocre lem. As Schloss woa aa im Bsiez vo da Famij Bonanni-Ocre.

Buagamoasta vo Ocre is seit'm 30. Meaz 2010 Fausto Fracassi vo da Lista-civica. Sei Voagenga (seit 2004) woa Gianmatteo Riocci vo da Middn-links orientiadn Biagalistn.

Sengswiadigkeitn[Werkeln | Am Gwëntext werkeln]

Fia Bsuacha intressand san de Klesta, de Reste vo da Buag und de Festivois „Sagra del Forno“ (Ofnfest) und „Sagra della Castagna“.

Kurioses[Werkeln | Am Gwëntext werkeln]

Da Nam Ocre ko vo Neditaliena leichd mid „Ocra“ (Ocker) vawexld wean. In oaning Sprochn (portugiesisch, franzesisch und spanisch) wead da Foabstoff glei gschriem, wia da Ort.

Im Netz[Werkeln | Am Gwëntext werkeln]

 Commons: Ocre – Sammlung vo Buidl, Videos und Audiodateien

Beleg[Werkeln | Am Gwëntext werkeln]

  1. Statistiche demografiche ISTAT. Monatliche Bevölkerungsstatistiken des Istituto Nazionale di Statistica, Stand 31. Dezember 2015.