Oisdann hod da Zarathustra gsogt

Titel der Erstausgabe des später so genannten „Ersten Teils“, 1883

Oisdann hod da Zarathustra gsogt, A Biachl fia Olle und Koan, (standarddeitsch: Also sprach Zarathustra, Ein Buch für Alle und Keinen, 1883–1885) is a philosophische Dichtung vom Friedrich Nietzsche, des wo vo vuin ois sei Haptweak ogseng wiad.

Iwasicht

S Biachl bstäht aus via Tein. Da easchte Tei is 1883 easchiena, da zwoate und dritte 1884, da viate 1885 ois Privatdruck. 1886 san de easchtn drei Tei ois „Also sprach Zarathustra. Ein Buch für Alle und Keinen. In drei Teilen.“ vaeffentlicht woan. Im Gengsotz zu de friachan Weake voom Nietzsche is da Zarathustra koa Sochbuach. In hymnischa Prosa eazejd s Buach vom Wiakn vo an fiktivn Denka, dea wo nua den Naman mitn Persischen Religionsstifter Zarathustra hod. Da pathetische Sproch-Stui, dea wo im Zarathustra vawendt wiad, nemmt so halkyonisch. Ea hod a elitäre Funktion und wui nua de Leit osprecha, de dazua fähig san an halykonischne Ton richti z hean. Da Untatitl vo am Weak "A Buach fia Olle und Koan" deidt darauf hi, dass des koa Buach fia jedamo is.

Vertonung vom Richard Strauss

Da Komponist Richard Strauss hod a gleichnamige sinphonische Dichtung gschoffa, de wo 1896 urafgfiat woan is.

Literatua

• Claus Zittel: Das ästhetische Kalkül von Friedrich Nietzsches "Also sprach Zarathustra". Wiazburg 2001, ISBN 978-3-8260-1836-7
• Stanley Rosen: The Mask of Enlightenment, Nietzsche's Zarathustra, 2004, ISBN 0-300-10451-0

Im Netz

• Digitalisiata Voitext von Oisdann hod da Zarathustra gsogt ba Zeno.org
• Also sprach Zarathustra als E-Book bei Project Gutenberg
• Oisdann hod da Zarathustra gsogt ois Online-Text im Projekt Gutenberg-DE
• Literatua zu Also sprach Zarathustra, Verzeichnis der Weimarer Nietzsche-Bibliographie