Papa Kern
Da Papa Kern (* unbekonnt; † 1911 z Minga) wor a bayerischa Voikssänga. Zamma mitm Papa Geis und am Anderl Welsch hod a um 1900 zu de beliabtastn Mingara Voikssänga ghead.
Da Papa Kern hod im "Metropol" z Minga residiat und iba 20 Joar lang jedn Tog im Kella vo da Polizeidirektion sei Bockfrühschoppen obghoitn. Sei Repertoir wor: Musi, Kabarett, Gstanzln, Theata und Zaubakunststickln. Er wor a Publikumsmagnet und hod de Leidln aa imma zum Mitsinga animiat, indem a vorhea scho de Liadtexte vatein hod lossn.