Basst scho

Basst scho oda kuaz basst, aa guad so (dengl. "okay" oda "OK") hoasst sovui wia "(ois) in Oadnung" (i. O.).

Mit "basst scho" kenan vaschiedne Nuancen ausdruckt wean. Es ko hoassn, dass ois perfekt is, es ko oba aa bedeitn, dass ma grod no so zfriedn is. Beispui: "Afregend wor s Spui vo de 60a ned, oba gwunna homs, basst scho." Wens "a" bsundas langzogn wead, ko sogor s Gegntei damit gmoant sein. Ma sogt: "Baaaaasst scho!" Und denkt: 'Ois Scheisse! Oba lossmas guad sein!'.

Des Wort "bassen" kimpt vom franzesischn "passer" und hoasst do "vorbeigeh", "wo hingeh".^[1] Do draus is im Boarischn nacha de Bedeitung "a Zui eareicha" entstandn.

De Heakumft vom Wort "okay" is ned gsichat. Laut Merriam-Webster Online is des a Obkiazung vo "oll korrect", wos a Verballhornung vo "all correct" sei soi.^[2]

Im Netz

Zum Sprachgebrauch und mit zahlreichen Hinweisen der Verwendung: „Warum sagen alle okay?“ im Feuilleton der FAZ vom 7. November 2011

Beleg

↑ Kluge. Etymologisches Wörterbuch der deutschen Sprache. Bearbeitet von Elmar Seebold. 24., eaweidate Aflog. de Gruyter, Berlin/ New York 2002. ISBN 3-11-017472-3
↑ "okay" ba Merriam Webster

[1] Kluge. Etymologisches Wörterbuch der deutschen Sprache. Bearbeitet von Elmar Seebold. 24., eaweidate Aflog. de Gruyter, Berlin/ New York 2002. ISBN 3-11-017472-3

[2] "okay" ba Merriam Webster

[1]

[2]