Peperóni

Aus Wikipedia
Zur Navigation springen Zur Suche springen
A Peperónistaud

Der Peperoni óder Peperone, wissnschåftlich Capsicum annuum, isch a Gmiasfrucht, wås in wårme Gégetn wåxt. Es isch a „Nachtschattengewächs“ unt isch van sem her mit die Paradeis (Tomatn), Ertèpfl unt Tóllkerstn verwåndt, kimmp aus Siidamerika.

In taitschn Språchraum sågg man aa Pfefferoni, Gemüsepaprika oder Paprika. Mit Paprika pezeichnt der Sidtiróler as roate Paprikapulver, Peperoni hingegn isch der Gemisepaprika. Peperoni isch ausn Italienischn ibernummen, isch in Italienischn Plural. In Gewirzpaprika (Spanischer Pfeffer) hingegn hoaßt man in Sidtirol oft Peperontschini (pedaitet in Italienischn „kleine Peperoni“). Die Schärfn kimmp van Alkaloid Capsaicin.

Es gip verschiedne Zuchtformen unt Sortn va die Peperoni, roate, gelbe, greane, unt verschiedne Formen, Greßn unt Konsistenz. Die groaßn Sortn woxn nerdlich va die Olpm in Freiland normalerweis net guat, sie prauchn a worms Klima. Peperoni konn man ongfongen pa der Gemisesuppm vielfältig verwentn, aa als Gwirz.