Permakuitua
Permakuitua (dt. Permakultur, engl. permaculture) is d Owendung vo da Systemtheorie zua Schoffung vo nochhoitign Kroaslaffn in da Uwejd, Gsejschoft und Wiatschoft. Entstandn is da Begriff uaspringle in da Landwiatschoft ois Zammsetzung vo permanenta Agrokuitua, wos sovui hoasst wia "dauahofte Landwiatschoft". Heit is Permakuitua a wejdweide Bewegung.
Gschicht[Werkeln | Am Gwëntext werkeln]
Permakuitua is in da Middn vo d 1970a Joar in Australien entstandn. Da Bill Mollison und da David Holmgren hom praktisch en eiropejischn Biolandbau fia Australien nei entdeckt. Se hom beobochdd, doss d industrieje Landwiatschoft duach Monokuituan und duach Pestizid en Bodn und es Wossa vaschutzt, d Biodiversitet reduzian duad und d Erosion vo an ehemois fruchborn Bodn beginstigt. Des wejdweid duach Untasuachunga bstätigt worn.[1]
Da Mollison und da Holmgren hom eanan Dengosotz imma mehra ausgweidd, wei s gmiakt hom, doss d Landwiatschoft aloa koan Umschwung im Denga vo d Menschn bewiakn ko. Heint is Permakuitua a Designprinzip, wo ned nua in da Lanwiatschoft, sundan aa in da Architektua, da Stodplanung, da Produktentwicklung und da kooperativn Ekonomie umgsetzt wead.
Beleg[Werkeln | Am Gwëntext werkeln]
- ↑ Report der FAO:Investing in smallholder agriculture for food security, A report by The High Level Panel of Experts on Food Security and Nutrition June 2013
Im Netz[Werkeln | Am Gwëntext werkeln]
Commons: Permakuitua – Sammlung vo Buidl, Videos und Audiodateien- Permaculture Commons: Sammlung von Permakulturinhalten unter freier Lizenz.
- PIA – Permakultur-Akademie im Alpenraum.
- Permakultur Info Seite: Informationen, Initiativen und Projekte im deutschsprachigen Raum.
- Karte mit Permakultur-Projekten im deutschsprachigen Raum und Ungar.
- Transition Town Initiativen aus Deutschland, Österreich und der Schweiz
- Verein Permakultur-Landwirtschaft
- Permakultur Schule
- Zwölf Design-Prinzipien für Permakultur