Pfusch

Pfusch is as Dialektwoat fia Schwoazoawad. Oiso waun ma am Finanzaumt foabai oawat, si unta da Haund zoin losst und koa Rechnung schreibt und koane Schdaian zoid. Des is natiali ned legal, kimd owa drozdem recht oft fia, bsondas bai Haundweaka und Haislbaua. De zwoate Bedeitung fu dem Woat is, a schlechte Oawad, iagendwos wos ned gscheit gmocht is, oiso a Glumpad.

Des Verb zu dem Substantiv is „pfuschn“.