Prutz

Prutz isch a Doarf im Bezirk Landeck im Land Tirol.

Geografie

Prutz leit am Ausgang vom Kaunertal im Obera-Gricht, des isch der oberschte Toal vom Tiroler Inntal. Dr Kera vom Dorf leit am Schwemmkegl vom Faggabach.

Gschicht

Prutz war in dr Karolingerzeit Raststätta und spatr Poststation. Zum erschta Mal erwähnt isch Prutz 1028. D'Kircha isch a gotische und ma hat sa im 17. Jahrhundert barockisiert. 1903 hat a Fuir an groaßa Toal vom Dorf abrennt. Des Zentrum schaut aber a heit no aus wias' typische Zentrum vom ra Weschtiroler Doarf. Heint (2016) hat s'Dorf 1777 Inwohnr.

Gschäfft

In Prutz mocht die Tiwag mit am Kraftweark 400 MW Strom. Baut hat ma des Kraftweark 1964. S'Wasser kimmt vom Gepatsch außa durch an 13,2 Kilometr langa Stolla.

Vereine

D'Schitza, d'Musi, dr Sportverein und dr Theaterverein sei lei a bar vo die ganzen Vereine, dia in Prutz aktiv sei.

Im Netz

• d'offiziel Website
• d'Website vo dr Prutzr Musi