Quicksilver Messenger Service

Quicksilver Messenger Service 1970

Quicksilver Messenger Service (QMS) isa psüchidäische US-Rockband vo San Francisco in de schbadn 60a und 1970a Joa gwen.

Biografie

In da Oaginoibsezung hom Quicksilver Messenger Service mim John Cipollina (Gidar,Gsang), Gary Duncan (Gidar,Gsang) , David Freiberg (Bass-Gidar), Greg Elmore (Schlogzeig), und mim Jim Murray (Gsang und Mundharmonika) gschbuid, derisowa no foa de Afnama zan easchdn Oibum 1968 okaut gwen. Uaschbringle is de Gruppm ois Background- Band fian Foiksänga Dino Valenti grind woan. An Valenti homs owa glei no da Grindung fia zwoa Joa eikasdlt kod, zweng Marihuana und no andre Drongna. Easchd am End fo 1969, isa ois Sänga und Liadlschreiwa zruckkumma gwen.

Im Dezemba 1965 sans zan easchdn Moi fiaran Afdrid zoid woan. Dano sans an da Westkistn vo da USA af Tour ganga. Foa oim im Avalon Ballroom sans ois a narrisch guade Live-Band bekannt gwen. Se hom den fia domois tüpischn, eadign dronggschwängadn und sauguadn Blues-Rock gschbuid, gnau wia Jefferson Airplane, Big Brother and the Holding Co. oda Grateful Dead.

Easchd ois da domoige Sänga Jim Murray okaut und QMS den Soundtrack zan Fuim Revolution gmochd hod, homs ba Capitol an Blattnvadrog untaschriem. Unta da Fiarung voum Nick Gravenites, am Harvey Brooks (oi säin Musika vo Electric Flag) – und am Pete Wilding, is 1968 mid Quicksilver Messenger Service s easchde Oibum afn Moakt kumma.

S zwoate Oibum Happy Trails (1969), san Live - Afnama, midgschnittn im Fillmore West und Fillmore East.

No da Vaeffadlichung vo Happy Trails is da Gary Duncan a Zeidl ausgschdieng gwen. Fia eam is da Nicky Hopkins kumma, dera des dritte Oibum Shady Grove (aa 1969) mid eigschbuid hod. Glei dano is da Gary Duncan wida za Band gschdessn und ano da Dino Valenti, der seit da 1970a LP Just for Love, aa Hauptsongwriter, Sänga und Bandschef gwen is. No da Vaeffadlichung vo What about Me (1970) is da Cipollina ausgschdieng gwen. Dano san fo de vabliemna Bandmidglieda merare LPs vo untaschiedlicha Kwalität vaeffadlichd woan. 1975 is mid Solid Silver, de lezde Blattn afn Moakt kumma, af dera da David Freiberg und da John Cipollina nomoi mid afschbuin. No da foigadn Tour is Quicksilver Messenger Service 1979 afglest woan.

Musika

• Gary Duncan (* 4. September 1946 z San Diego, Kalifornien)
• John Cipollina (* 24. August 1943 z Berkeley, Kalifornien, † 29. Mai 1989)
• David Freiberg (* 24. August 1938 z Cincinnati, Ohio)
• Greg Elmore (* 4. September 1946, im Coronado Naval Air Station, Kalifornien)
• Dino Valenti (* 1943 z Danbury, Connecticut, † 16. November 1994, Santa Rosa, Kalifornien)
• Jim Murray (bis 1968)
• Nicky Hopkins (1969 – Ende 1970)

Diskografie

Quicksilver Messenger Service

• 1968 – Revolution (Soundtrack)
• 1968 – Quicksilver Messenger Service
• 1969 – Happy Trails
• 1969 – Shady Grove
• 1970 – Just for Love
• 1970 – What About Me
• 1971 – Quicksilver
• 1972 – Comin' Thru
• 1973 – Anthology
• 1975 – Solid Silver
• 1999 – Lost Gold And Silver

Im Netz

• Quicksilver Messenger Service, aktuelle Band-Webseite (engl.)
• bay-area-bands.com, QMS – Biografie, Diskografie, unter anderem (engl.)
• John-Cipollina-Diskografie – Quicksilver Messenger Service (engl.)
• Dino Valenti, Webseite des Künstlers (engl.)